Willemstad, Kòrsou, 17 di yüni 2014 – Klientenan ta nifika hopi pa CIBC FirstCaribbean.  P’esei klientenan i tur ku a bishitá e ofisina di e banko a keda malkriá pa CIBC FirstCaribbean durante di e dia di apresio na kliente di e banko djabièrnè último. CIBC FirstCaribbean a selebrá su prome Dia di Apresio na kliente den henter region kaminda e banko tin presensha riba e mes un dia riba kua e kompania madre di CIBC FirstCaribbean, esta CIBC ta selebrá su dia di apresio na kliente rònt mundu. Direktor General di CIBC FirstCaribbean den Karibe Ulandes, Pim van der Burg a bisa ku e banko ta pone hopi énfasis riba skucha i siña di su klientenan dor di usa lo último den teknologia disponibel pero tambe dor di tin kontakto ku klientenan. Ela añadí “E respòns ku nos ta haña di e interakshon aki ta un elemento importante den nos esfuerso pa introdusí produktonan nobo i inovativo ku ta dirigí riba e nesesidat partikular di nos klientenan.” Van der Burg a bisa ku e Dia di Apresio na kliente tabata un dia speshal riba kua e banko a tuma e oportunidat pa gradisí su klientenan loyal ha hasi CIBC FirstCaribbean nan instituto finansiero faborito.