Willemstad, Curaçao – Yüni 2019 – CIBC FirstCaribbean, den henter region, a habri su portanan pa yama klientenan bon bini i duna nan un trato aun mas kordial ku trit i hasta regalo riba e dia dediká na nan dor di e banko.

For di e promé ku a drenta te na e último kliente a keda malkriá miéntras e banko tabata brinda ku su klientenan riba 13 di yüni, e dia speshal dediká na klientenan riba tur e 16 islanan kaminda e banko ta establesé. Miembronan di e tim ehekutivo di gerensia di e banko tabata presente den e diferente lokalidatnan pa yama bon biní na klientenan for di mainta trempan i pa duna atenshon speshal na tur kliente ku a pasa hasi un transakshon den banko.

Sra. Colette Delaney, e banko su Chief Executive Officer tabata na e ofisina mas nobo di e banko den region ku ta keda den e health City Mall na Cayman Islands. Aki Sra. Delaney a tuma tempu pa topa klientenan i gradisí nan pa nan konfiansa den e instituto finansiero regional.

Den su mensahe na e empleadonan di banko, el a kòrda nan ku e úniko rason pakiko e a banko ta eksistí ta pa sirbi su klientenan. “Djis imaginábo so kiko lo pasa si nos klientenan pèrdè kaminda pa nos portanan pa yuda nan realisa nan soñonan finansiero! Lo no tin rason pa nos tei tòg? Kada un kliente ta importante pa nos i ta na nos pa yama nan bon bini. Kada un di nos mester keda tene esei na mente i e mester ta nos meta den kada esfuerso ku nos hasi” e CEO di e banko a bisa.

Ehekutivo i gerentenan den kada pais a topa un kantidat di kliente durante dia i a yuda sirbí kosnan di pasa boka i di bebe na un kantidat stabil di kliente ku a bishitáa e diferente lokalidatnan di e banko riba e dia ei.

Na Kòrsou a dekorá e parti galeria prinsipal di e banko ku un tono speshal pa e dia aki.  A trit tur ku a bin hasi negoshi den e banko na un forma speshal. Banda di esaki e klientenan a risibí un tas konteniendo regalonan promoshonal di CIBC FirstCaribbean, kos dushi, bòter di biña i notanan musikal pa entretené nan.

“Na CIBC FirstCaribbean nos ta kontinuamente desaroyando produkto i servisionan nobo ku ta kumpli ku e demanda di e kliente modèrno. Nos ta apresiá di bèrdat e konfiansa di nos klientenan.  Nos a tuma e okashon aki pa gradisí nos klientenan un biaha mas. Nos ta mira dilanti riba un relashon fruktífero pa hopi aña mas”  Sr. Edward Pietersz CIBC FirstCaribbean Country Head na Curaçao a bisa.