Willemstad –  CIBC FirstCaribbean Bank djaweps 7 di mei, ku Curaçao International BlueSeas Festival na punto di kuminsá, a lansa su Platinum Banking Service.  CIBC FirstCaribbean Platinum Banking ta un servisio individual, kòrta na midi i ofresiendo e kliente un punto di kontakto dediká pa por hasi uso di e gran kantidat di servisio i produktonan bankario ku CIBC FirstCaribbean ta ofresé. E kliente lo eksperensha un nivel di servisio elevá, kumbiniente i ku balor agregá miéntras e ta sobra mas tempu pa dediká na otro kos ku pe ta importante.  Pa e okashon aki tabata na Kòrsou Sr.Mark St. Hill i Sr. Marc Intyre, ámbos den representashon di CIBC FirstCaribbean Barbados i Cayman Island. Platinum banking ta kulminashon di un esfuerso ku CIBC FirstCaribean aki na Kòrsou  ku a inisiá na novèmber 2011, ora e banko a habri su balinan den banko pa sirbi su klientenan ku servisio bankario on-shore. Desde ku CIBC FirstCaribbean a dal e promé paso aki na 2011 e banko a keda krese su servisionan onshore pa medio di e.o. su kampañanan di hipotek SWITCH, introdukshon di su tarhetanan Visa Debit Platinum i e Platinum credit card, su partisipashon, ya pa kuater aña konsekutivo, den Living i su último kampaña pa fiansa pa kompra di outo, ku a resultá un éksito rotundo. CIBC FirstCaribbean ta kere ku Curaçao International Blueseas Festival sigur lo kontribuí na e atmósfera positivo ku ta reina den Pietermaai i ta kontentu i orguyoso di ta parti di Pietermaai.  E banko lo sigui kontribuí i partisipá  na desaroyo di e área manera un bon bisiña, meskos ku  e lo sigui brinda su klientenan espasio pa nan por hasi nan diligenshanan bankario ku un banko ku ta empátiko i ku ta komprondé nan nesesidatnan bankario. CIBC FirstCaribean su enfoke lo keda riba sirbi e kliente ku mas i mihó servisio na midi afin ku kada kliente por sobra mas espasio pa konsentrá riba gosa di bida i sigui krese pa dilanti.