Willemstad 12 di òktober- CIBC FirstCaribbean resientemente a komprometé pa hasi donashon di fondonan generá pa su Walk for the Cure 2015 na Princes Wilhelmina Fonds.   E aña aki ta e di kuater aña ku CIBC FirstCaribbean ta entrega e fondonan generá pa medio di e kaminata na Kòrsou na Princes Wilhelmina Fonds pa e kousa noble di kombatimentu di kanser den nos komunidat.

Princes Wilhelmina Fonds ta usa e fondonan risibí na diferente forma na bienestar di e trabou ku e fundashon ta hasi.  Un parti importante di e trabou di e fundashon ta formashon i edukashon di komunidat tokante di kanser.  Un otro parti di e esfuerso ta inkluí e dunamentu di oportunidat na pashèntnan ku kanser e posibilidat pa hasi ehersisio físiko.  Semper ta keda tambe e nesesidat pa ekipo ku ta keda usa pa detekshon i tratamentu di e malesa.  Fondonan generá atraves di Walk for the Cure tambe lo keda invertí den e esfuersonan aki.

Walk for the Cure, ku ta benefisiá organisashonnan di kanser den henter e region, e aña aki lo uní 20.000 partisipantenan pashoná den 17 pais den kua e banko ta ópera den un demonstrashon unifiká di e kompromiso pa asistí esnan afektá ku kanser.

E kaminata ta den su di kuater aña, i a generá durante di e promé tres añanan, aproksimadamente US$330,000 pa sosten importante na kuido imperativo, kompra di ekipo  nesesario, trato di pashènt i programanan general di edukashon pa generá mas konsenshi pa e malesa den region.  E aña aki e banko a surpasá kaba e loke a keda generá aña pasa i e último konteo a mustra ku e ta na US$345.000 kaba.

CIBC FirstCaribean na Kòrsou a kuminsá trempan ku su aktividatnan pa generá entrada. E Walk for the Cure High Tea ku a keda tene na Mart na okashon di selebrashon di Dia Internashonal di Hende Muhé tabata un di e aktividatnan ku mas a etala e kreatividat ku ta karakterisá e aktividatnan pa generá fondo e aña aki.

E kaminata ta konta e aña aki ku sosten di e sponsornan: Always, Amigoe, A Special Day, Brosaun, Curaçao Marriott Beach Resort & Emerald Casino, Curoil, Dasani, Ennia, Ensure, Jingle Planet, LBH Group, NuCapital, One Media Group, Radio Direct, Radio Dolfijn FM, i Tampax.

E staf i empleadonan di CIBC FirstCaribbean ke invita komunidat pa sostené Walk for the Cure di e aña aki pa hasié un gran eksito pa por sosten e trabou balioso di Princes Wilhelmina Fonds den e trabou importante ku nan ta hasi en e bataya kontra di kanser den nos komunidat. For more information about CIBC FirstCaribbean, visit www.cibcfcib.com