WILLEMSTAD 28 di Mei 2018 – Resientemente CIBC FirstCaribbean International Bank a malkriá su empleadonan riba dia ku e banko a selebrá Dia di Apresio na Empleado 2018.

A pone empleadonan, kende nan durante aña a sobresalí, den lus komo elogio pa nan kompromiso i dedikashon. E banko su Country Manager Sr. Edward Pietersz a suprayá Gerensha su gratitut na e staf pa nan dedikashon i kompromiso i a bisa ku esaki ta e yabi pa hiba e banko na un nivel aun mas haltu i duna kontenido na e banko su promesa di ofresé servisio bankario ku ta pas den e bida di e klientenan.

Tantu e area di resepshon pa kliente komo e kantina di e banko a keda dekorá pa mustra apresio na empleadonan riba e Dia di Apresio na Empleado. E dia a kuminsá trempan ku un trit saludabel i nutritivo, konsistiendo di Smoothie di fruta i arepa, sirbi na empleadoanan dor di e tim di maneho di e banko.

Pa almuerso e tim di maneho a trit e personal un sukulento kuminda saludabel sigui pa koktel i bolo. Tabata un dia durante kua mayoria di e personal a kambia nan unifòrm i a laborá bisti kasual, mièntras nan tabata gosa di e dia kaminda a mustra nan apresio pa e bon trabou ku nan ta realisá durante henter aña.

Algun empleado a keda rekonosé i hasta algu di nan a keda galardoná ku e asina yama “On-the-Spot” award, bou di apluoso di demas koleganan. Tres empleado a risibí mas ku un galardon. Ta trata di

Sra. Arelis Gressman i Sra. Nataly Gomes-dos Santos, kende ambos a risibí dos galardon i Sra. Sharlena Sillie kende a risibí tres galardon.

Sr. Pietersz a gradisí e empleadonan pa nan esfuerso pa kontinuamente duna mas di nan parti na e organisashon demonstrando nan kompromiso, dedikashon i union bou di henter e staf.