Bridgetown, Barbados 16 di Mart 2015. CIBC FirstCaribbean a anunsiá su mihó resultado finansiero den e último kuater añanan.  Den e tres lunanan te ku 31 yanüari último e banko a logra un resultado nèto di US$ 26.6 mion, loke ta e mihó resultado desde 2010. Rik Parkhill na momentu di hasi e anunsio a bisa: ” Nos resultadonan ta danki na un pèrdida mas abou gastunan di fiansanan difísil pa rekobrá i gastunan di operashon mas abou.  Esaki ta un mehorashon sólido di nos prestashon si nos kompará esaki ku nos entrada neto di US$15.4 mion den e mes un periodo aña pasa.” E banko a logra mehorá su prestashon no opstante un redukshon di entrada di US$7.3 mion durante i aña tras aña.  E CEO a indiká ku e bahada aki ta primariamente debí na entradanan mas abou riba fiansa i benta di papelnan di balor.  Ela añadí ku no opstante esaki e gastunan di operashon a baha ku US$ 4.0 mion kompará ku e mes un periodo aña pasa.  E banko ta sigui saka benefisio for di su inisiativanan pa kontrolá su gastunan i un restrukturashon di su operashon ku ta kontinuá. Pèrdida debí na gastunan di fiansanan difísil pa rekobrá, ku tabata pone un peso pisa riba e resultado di nos banko a baha signifikantemente ku US$14.9 mion kompará ku e aña anterior.  Sr. Parkhill a bisa ku esaki ta e di tres kuartal konsekutivo ku ta logra un nivel mas abou di pèrdida riba e fiansanan aki aña pasa aña. E reto ku e ekonomianan di region ta konfrontá ta sigui tin efekto riba e banko su prestashon.  E CEO a bisa ku ta konforme loke e industria den henter e region ta eksperensha.  E ambiente yena ku reto pa presta krédito, ku ta sigui afektá algun di merkadonan di kua CIBC FirstCaribbean ta operá, tambe a afektá e banko su prestashon. Tres aña pasa, e banko a ensia un programa amplio pa reahustá su operashon pa logra su metanan i mehorá su prestashon.  E programa aki a yega na su final na Òktober 2015.  Parkhill a bisa ku e banko lo sigui riba e rumbo aki pa por logra un nivel stabil di rentabilidat.   Ela bisa” Pa sigurá ku nos ta logra resultadonan konsistente i sostenibel, CIBC FirstCaribbean lo keda enfoká riba profundisá su relashon ku su klientenan i ser un banko lider.” CIBC FirstCaribbean su Tier 1 i ratio di Kapital Total ta keda unu fuerte ku respektivamente 20.9% i 22.1%, loke ta muchu mas di loke ta rekerí i apliká dor di reguladónan.