Willemstad 1 di mart 2015 – CIBC FirstCaribbean Bank ta organisá riba Dia Internashonal di Hende Muhé, dia 8 di Mart un “High Tea” komo parti di su proyekto 2015 Walk for the Cure.  E evento ta primintí di bira algu ku bo no mag pèrdè ku e tradishonal kosnan dushi i pasteleria, entretenimentu bibu, e kolekshon di moda di primavera i vários premio.  CIBC FirstCaribbean ta kontentu di por a haña e direktor di Radio Direct, Sra. Jachmin Pinedo pa duna un diskurso pa inspirá durante di evento aki.  Tur loke keda rekoudá ta bai, komo parti di CIBC FirstCaribbean su 2015 Walk for the Cure High Tea, duna na Prinses Wilhelmina Fonds. E High Tea ta tuma lugá di 3 or di mèrdia pa 6 or di atardi na Marriot Resort Curaçao.  Karchinan a rason di ANG 150,- ta na benta na ofisina di CIBC FirstCaribbean Bank (telefòn 433-8000) i tambe Mensing Caminada. “Nos a hasi lo máksimo pa e CIBC FirstCaribbean Walk for the Cure High Tea ta un evento úniko i inolvidabel.  Banda di e kosnan di boka dushi i pasteleria ofresé pa Marriot Resort Curaçao por spera un show di moda ku lo último den moda di Adolfo Dominguez, Blossom Plussize, De Jongh’s Sporthuis, Mango, Nice People i Rasonable & Shoe Depot i ku nos Miss Kòrsou, Laurien Angelista, komo un di e modelonan.” Lysaira Ortela, Marketing Manager di CIBC FirstCaribbean na Curaçao a bisa. “Nos a nota kaba ku e espektativanan ta haltu pa nos oradó invitá Sra. Jachmin Pinedo.  Lo tin entretenimentu bibu di Jill Frans i Dibo Doran.” Ela sigui bisa. Esnan ku bishita e evento tin chèns di gana un di vários premionan ofresé pa Coca Cola, Curaloë, Fusions Restaurant, Gold Market, Hermanus Jewellers, Inselair, John John Beauty Center, Morrocan Oil, Omni, Restaurant Omundo i Palais Hindu.  Ta rekomendabel pa buska bo karchi lihé paso ta spera un yeno kompletu manera e karchinan ta bayendo. E evento aki ta parti di un kantidat di aktividatnan durante aña na kaminda pa e Walk for the Cure ku lo tuma lugá na Òktober.  CIBC FirstCaribbean Walk for the Cure ta un evento pa generá fondo pa kuido i sosten na personanan ku ta lucha kontra di kanser.  E ta keda tene den tur e 17 paisnan unda CIBC FirstCaribbean tin su ofisinanan.  E banko dor di hasi esaki ta uní su mes na su kompania madre CIBC ku pa di 19 aña ta sostené e Run for the Cure di Canadian Breast Cancer Foundation. Tur loke keda rekoudá ta bai pa Prinses Wilhelmina Fonds pa sostené nan den nan trabou den e lucha kontra di kanser.  Esaki ta e di 4 aña ku Walk for the Cure ta keda tene den e 17 teritorionan kaminda e banko tin su filial i ofisinanan. CIBC FirstCaribbean ke gradisí banda di e patrosinadònan di e premionan, tur e  partisipante den e show di moda inkluso Laurien Angelista.  Esaki ta inkluí Marriott Resort Curaçao, First Tea, Venus Embrace, Belstar Proseco D.O.C., Obelysque Flowers, L’Oreal, Design201 B.V. i One Media Group. Tambe ke gradisí Jachmin Pinedo, Jill Frans, Dibo Doran, D.J. Steven Braaf i Sherry Alberto.