WIILEMSTAD – Fin di aña ta aserkando ku pasonan aselerá i no tin nada mas satisfaktorio ku abo ta bon prepará pa e dushi temporada. E aña aki Kòrsou lo sera konosí ku ‘Christmas Extravaganza’, un eksposishon di Pasku pa kua e organisadónan a enfoká p’e ta diferente i ta ofresé e loke komunidat di Kòrsou tin pa nan pasa e dianan di fiesta di fin di aña di un forma memorabel. Fecha pa e evento úniko aki ta 30 di novèmber, 1 i 2 di desèmber. E sitio ta Sunscape Resort na Bapor Kibrá. E evento aki lo ta un eksposishon ku ya for di su entrada lo hiba bo den esfera di Pasku, ofresiendo tur loke proveëdó di servisio i produktonan ta ofresé pa e temporada di fin di aña. A tuma komo punto di salida ku esakinan mester ta di kalidat i na alkanse di tur presupuesto. Pensa aki riba e kosnan di mas ‘trendy’ riba plano internashonal, moda, bestuario, asesorio, beyesa, produktonan di dekorashon, servisio pa bo evento etc. Den un palabra tur loke ta respirá Pasku i kambio di aña. Naturalmente lo pone atenshon tambe na e área kulinario lokal i internashonal.

Pa mas informashon i/òf partisipashon, por tene kontakto via telefon/whatsapp +59995400111, info@infiniteservicesnv.com i tambe via e página Facebook/christmasextravaganzacuracao

Bo Pasku i Aña Nobo ta kuminsá na Christmas Extravaganza! Mark’é!