Willemstad 25 di yüni 2018 ̶ Ku alegria i orguyo komunidat kompletu ta habri e siman dekretá komo esun di e ‘Bon Yu di Kòrsou’. Ku entusiasmo nos ta karga e siman aki kual ta antesala pa yega nos dia di Bandera 2 di yüli próksimo. Pa hasi e selebrashon aun mas grandi, Chippie ta regalá èkstra data na tur usuario ku aktivá kualke combo bùndel.

Tur usuario ku aktivá kualke Combo bundel, lo risibí 20GB di data riba e kantidat di data di e bùndel ku nan a aktivá! Asina mes, 20GB adishonal i grátis! Pues aktivá kualke Combo bùndel di 1 dia, 7 dia of 30 dia i risibí e tremendo regalo aki.

No tin motibu pa keda sin kompartí ku un i tur di ki manera abo tambe ta aportá diariamente na un komunidat sano riba nos isla. Kontagiá tur esnan rondó di bo ku e energia, e amor pa nos patria i sirbi komo un ehèmpel positivo. Kompartí sin ningun preokupashon tur e momentonan di preparashon i tambe e manera kon abo ta selebrá nos Dia di Bandera, ya ku bo lo tin mas ku sufisiente data.

Pues, keda konektá ku internèt riba bo Chippie ku spitnan altisimo di LTE pa bo keda na altura di tur akontesimentu, i na momento di selebrá e bunita dia aki, unda ku bo bai. Bishitá www.chippie.cw pa mas informashon.