Sera Conoci cu “The Chill District” dia 30 di September

Diaranson atardi durante un encuentro cu prensa na Tinashi Bar organisadornan di Chill The Concert a confirma e rumor cu e grandioso concierto ta muda pa cayanan di San Nicolas pa un experiencia aun mas eleva. Ja  ta conoci cu diabierna 30 di September Cache Royale for di Hulanda, Gentz di Curacao y Buleria, Tsunami y Jeon lo ta hunto riba un solo escenario. Mirando e desaroyonan positivo den San Nicolas pa bira Aruba su “Cultural and Heritage City” a surgi e idea pa dicon no muda e evento aki pa pa’riba. Ademas di por comoda tur hende mas comodo, crea un escenario mas mahestral, e orario di e concierto tambe por wordo extendi un tiki mas. Di e forma aki cada fanatico di banda por disfruta mas di nan banda. E ubicacion di e escenario lo ta na e Valero Gate cual lo forma parti di “The Chill District”. For di altura di American Bar caba lo tin ambiente cu un escenario mas chiquito y pa despues topa cu e main stage arma pa Elite Productions & Entertainment.

Pa por celebra e cambio aki diabierna awor dia 23 di September lo tin un “Ticket Sales Happy Hour” na Hamaka Sidewalk Café hunto cu Tsunami. For di 6 or di atardi te cu 10 or di anochi lo tin oportunidad special pa cumpra bo carchi. Cu cada compra di 5 carchi e persona lo haya un jug di Chill completamente gratis. Cantidad ta limita. Cu esaki ta stimula tur hende cu nan por bin pariba cu nan jug bashi pa asina yene cu nan bebida preferi.

Carchinan tanto general como mesa di vip y vip single ta bayendo manera pan cayente na Hamaka Side Walk Café, Tinashi Music & Sports Pub y Gallo Rojo. Pa VIP por jama 7446480