Diasabra 27 di februari nos ta topa na Eagle Beach

ORANJESTAD, Aruba – Januari 2016: E beach festival di mas grandi y mas “hot” ta “on” un biaha mas! E team di cerbes Chill a anuncia e ‘line-up’ espectacular pa Flip Flop Festival durante di un conferencia di prensa diahuebs. Pa 12 ora largo, for di 2or di merdia pa 2or di marduga, cerbes Chill ta presenta algun di e “top entertainers” riba stage na Eagle Beach.

E line-up local ta consisti di e DJ y bandanan mas popular, esta Buleria, NutzBeatz, Ritmo Real, DJ Yeimy, y MC Samil. For di exterior cerbes Chill ta presenta: DJ Outkast di Sint Maarten, e sensacion di musica reggae Gyptian, conoci pa su hitnan “Hold Yuh”, “Wine Slow”, y “Beautiful Lady”; e leyendanan di Dancehall T.O.K. cu e hitnan “Chi Chi Man” y “Footprints”; y e festival headliner Walshy Fire di Major Lazer. Major Lazer ta mundialmente conoci pa su hitnan “Lean on”, “Bumaye” y “Get Free”. “Flip Flop Festival powered by Chill” manera ta custumber ta presenta un combinacion perfecto di ambiente, musica, y diberticion. Entrada ta gratis, pero ta mantene un maneho estricto di entrada pa adulto so, pues riba 18 aña di edad. Tur hende mester mustra nan ID na entrada.

Bishitantenan ta invita pa trece nan mesun jugnan bashi pa cumpra caha di cerbes Chill na prijsnan special y organisadonan ta ofreciendo “bottle service” tambe. Loke nunca ta haci falta na “Flip Flop Festival powered by Chill” ta e actividadnan di awa, cual ta encera e popular “Slide” y “Blob” pa oranan di recreo y diberticion. Tambe lo tin workshop di Kizomba y no lubida riba tur e material di propaganda manera pechi, T-shirt, bikini y mas, cu lo ta na benta na prijsnan special. Cu Flip Flop Festival, e cerbes di Aruba, Chill ta yama danki na comunidad pa e sosten durante tur e añanan aki.  Ta invita tur hende pa “party”, relax, disfruta di bon musica y un ambiente fenomenal.