ORANJESTAD – Recientemente Renaissance Aruba Resort & Casino a apunta un Chef nobo pa encabesa e team culinario di L.G Smith’s Steak & Chop House, Chef Augusto Riofrio Mapelli. Ta trata aki di un Chef cu tin experiencia vasto obtene durante varios funcion cu e tabata ocupa na diferente restaurant di hotelnan prestigioso cu ta brinda experiencia culinario di taya. 

Chef RioFrio:

Den su funcion como Chef di L.G Smith’s Steak & Chop House, Chef Riofrio a produci menunan nobo cu lo exhibi e specialidatnan di e restaurant. E habilidad pa skirbi un menu y adapta esaki na exigencianan di e cliente ta demostra su capacidad como Chef. Augusto Riofrio Mappelli a nace na Perú y a gradua for di e instituto di gastronomia specialisa den cushina na 2006. Chef Riofrio a profila como Chef ehecutivo na Belmond Sanctuary Lodge na Machupicchu Cusco y Tambo Del Inka Luxury Collection Resort & Spa. Ademas di esaki, Riofrio a traha tambe como Chef na Mukul Resort & Spa Nicaragua, Casa Andina Private Collection Cusco y Casa Andina Private Collection Miraflor.

Menu Nobo:

For di awe bishita L.G Smith’s Steak & Chop House y scoge for di e menunan nobo cu ta ofrece entre otro; Spinach Salad, L.G Smith’s Garden Salad, Chef Augusto’s Caesar Salad, Heart of Ribeye, Porterhouse, Tomahwak, Big Oscar, Seafood Mignon, Pink Pepper & Herb Crusted Lamb Chop y hopi mas. Pa amantenan di boca dushi Chef Riofrio a compila un menu amplio cu delicianan manera Lucuma & Chocolate Mousse, Banana Bread Pudding with warm wisky sause y Pear + Blue Cheese Ravioli & Lemon Jelly. Ademas di e menu nobo di L.G Smith’s Chef Riofrio a crea tambe un menu nobo pa The Lounge Midnight Grill, nan ta habri tur dia te cu 6’or di mainta. The Lounge Midnight Grill ta ofrece entre otro Shrimp Brûlée, Renaissance Burger, Fish n’ Chips y hopi mas. Pa e menu completo por bishita www.lgsmiths.com

Pa celebra introduccion di e menu nobo L.G Smith’s ta ofrece un descuento di 50% riba boter di biña bou di $100. Ta bon pa menciona cu riba diabierna, diasabra y diadomingo L.G Smith’s lo tin entretenimentu bibo for di 6:30pm na encargo di ‘Live Expressions’ jazz band. Bishita L.G Smith’s tur dia- habri for di 5:30pm te 11:00pm y disfruta di e creacionnan nobo y diferente di Chef Riofrio. Pa keda na altura di tur oferta special y ultimo acontesimientonan bishita LG Smith’s Steak & Chop House su website of pagina di Facebook. Pa reservacion por yama 523-6195 .