E delegashon di Kòrsou ku a konsistí di representante nan di CHATA i Ofisina di Turismo di Kòrsou a forma parti di e Konferensha anual di COPA Airlines kual a tuma lugá e aña aki na Ocho Rios, Jamaica di 2 pa 5 di Mei 2013.
E delegashon di e sektor di turismo di Korsou enkabesá pa Presidente di CHATA Sra. Lizanne Dindial a regresá Kòrsou bek ku hopi kontakto nobo i oportunidatnan pa ku e merkadonan kaminda COPA ta enfoká. Ta bon pa menshoná ku esaki tabata e promé biaha ku Kòrsou a partisipá na e konferensiá aki, i pa CHATA e motibu primordial ta pa por krea un relashon duradero ku COPA Airlines, ku ta di sumo importansia pa e desaroyo di nos sektor turístiko.
CHATA for di kuminsamentu di aña 2013, a introdusí e “slogan” nobo,“2013 – It’s all about Parnterships” esaki ta enserá ku CHATA lo bai hunga un ròl importante pa trese tur e partner nan den sektor huntu. E vishon di mas grandi ta pa krea un diálogo duradero entre Hotel, Airlines i e Tour operatornan. CHATA ta kere firme ku si e tres partner nan aki traha huntu nos por krese komo destinashon turístiko i kosecha di tur e oportunidat nan ku ta presentá den e merkado.
Segun Miles Mercera, Marketing Manager di CHATA, “Komo CHATA nos a haña e oportunidat di dialogá ku diferente tour operator di COPA ku ta hopi interesá den nos produkto turístiko, i tambe nos a risibí hopi informashon balioso di kiko e asina yama “challenge” nan ta pa por desaroyá e merkado di Sur Amérika den su totalidat. Por ehèmpel, e merkado di Brazil, tin hopi potensial pa Korsou, i
ta huntu komo sektor den un forma kreativo nos mester stimule.
Finalmente CHATA kier a gradisi tur nos miembronan ku ta sigui kere den e esfuerso nan di CHATA, i tambe un danki na ofisina di Turismo di Korsou ku tambe a yuda kristalisa e mishon aki.
CHATA ta invitá un i tur pa keda na altura di su evento nan pa aña 2013, via su página di Facebook of subi nos website www.chata.org of “follow” nos riba twitter :http://twitter.com/_chata
– CHATA – –It’s All About Partnerships!