ORANJESTAD – Fanatico di mountainbike y roadbike, ambos por competi riba diadomingo 30 di augustus den un edicion nobo di Change of Season: from road to dust 2015.

E competencia ta pa mucha y adulto, cu por core diferente ruta riba caminda y/of den mondi. Cyclistanan menor (di 10 pa 14 aña) lo competi den dos categoria. Esunnan cu kier core riba caminda so, lo cuminsa na California Lighthouse pa yega despues di mas o menos 10 km e final, esta Kapel Alto Vista. Coredonan di MTB lo start net contrario, na Kapel Alto Vista, pa sigui un ruta di mas o menos 8 km direccion California Lighthouse.

Adulto por core den un team di dos (relay). E ora un participante lo core e ruta riba caminda di 43 km te anker na San Nicolas, pa despues su partner por sigui e ruta den mondi di 40 km, finalisando na California Lighthouse. Pero ciclistanan masculino y femenino balente tambe por core ambos distancia, 83 km total cu start y finish na Lighthouse, individualmente. Por participa den diferente categoria, depende edad y experiencia. Beginners di 14 aña bay ariba (masculino y femenino) ta haya e oportunidad di core mita ruta (17.5 km road/12.5 km MTB).

Inscripcion

Muchanan ta paga 15 florin pa participa y adulto 30 florin. Adultonan cu ta miembro di AWB ta paga 25 florin. Tin premiacion den e diferente categorianan y tambe pe miho club.
Por inscirbi solamente riba diasabra 22 di augustus y diabierna 28 di augustus, entre 7 pa 9’or anochi na Don Pinchos St. Cruz.

Pa mas informacion por yama Roxine Thielman (737-9999) of Rhaina Montesant (748- 4850) di e comision MTB di Aruba Wieler Bond (AWB). Tambe por mail riba comisionmtb@gmail.com.