Den November y December YMCA lo ofrece mas curso

Den lunanan di September y October, YMCA Aruba a ofrece diferente cursonan di cushinamento di cuminda di Pasco bao guia di Chef Glenn Ridderstap cu a siña cursistanan platonan delicioso specialmente pa temporada di fin di Aña. Tambe a ofrece curso di Makeup bou guia di Roxanne Pieters cu a siña cursistanan diferente “looks” specialmente pa e temporada di fin di aña den un manera dibertido. E interes pa participa den e cursonan tabata hopi grandi. Despues di a pasa e curso den forma satisfactorio riba 30 di October ultimo, e participantenan a ricibi nan certificado na YMCA Dakota. YMCA Aruba ta informa comunidad cu den lunanan di November y December, YMCA lo ofrece mas cursonan di cushinamento, trahamento di bolo, snacks  y tambe trahamento di Joyas. Pa mas informacion por yama YMCA Dakota na 5823072. Un pabien ta bay na tur e cursistanan cu a participa.