Habriendo 2016 cu un explosion di premio CASH

ORANJESTAD, Aruba – 11 di januari 2016: Cerbes Balashi a cuminsa aña 2016 cu un explosion di premio cash. Como cu e temporada di Carnaval 62 ta relativamente cortico, Cerbes Balashi a scoge pa ofrece tur cliente un campaña espectacular y diferente compara cu otro añanan, extendiendo e fiesta di premio for di e dos siman di januari te na fin di februari 2016. “Gana Placa Cash cu Balashi” ta conta cu participacion di 20 supermercado rond Aruba, unda cu e team di Cerbes Balashi lo pone drama cu nan bishitanan sorpresa. Riba cualkier dia di siman, na cualkier momento y sin avisa prome, e team di Balashi ta bishita un supermercado pa saca for di e tombola na e supermercado sorpresa un nomber. Esaki kiermen cu si abo tambe ta participando, bo yamada ganado di e team di Cerbes Balashi por bin na cualkier momento.

E ganado lo ricibi sea un di 5 premionan cash di 450 florin cash of e premio grandi di siman, esta Afl. 1000 cash. E suma total cu Cerbes Balashi ta regala pa siman entre seis ganado ta 3250 florin cash y e campaña ta sigui te cu e ultimo siman di februari. Nan no ta bisa nada di antemano y ta ora cu nan yega na e supermercado e team di Cerbes Balashi lo anuncia tambe ta cua premio nan ta bay regala na e cliente di e supermercado unda nan a yega. Pues, e team di Cerbes Balashi lo bishita e supermercadonan di sorpresa y for di e tombola den e supermercadonan lo saca e nomber di un ganado “on the spot”!  Simplemente e cliente ta tuma su recibo cu ta specifica si el a cumpra un six-pack of un caha di Cerbes Balashi, e ta skirbi su nomber y su number di telefon tras di e recibo y e ta deposita esaki den e caha special di e campaña “Gana Placa Cash cu Balashi”.

Ta produci y emboteya Cerbes Balashi na Brouwerij Nacional Balashi den un cerbeseria “state of the art” cu ta carga certificacion internacional di calidad. Berdaderamente un orguyo nacional, Cerbes Balashi ta obtenibel rond Aruba y ta e cerbes mas popular den nos comunidad y entre nos turistanan pa su frescura, sabor y calidad halto.  Corda tuma bo recibo ora di cumpra bo cerbes y participa! Supermercadonan partner ta Ling & Sons, Mundo Nobo, Wa Yang, Tai Lee Wah, Lee Feng, Circle K, Feng Da, NG Kamay, Rey Hing, Bo Wah, Hong Kong Paradera, Macro, New Hong Fa, Super Food, Hong Kong San Nicolas, Cheng’s, New Food Center, Winter Garden, Springfield y Johnson’s. Pa mas informacion y pa sigui tur desaroyo pa cu e campaña dor di “like” e pagina di Facebook www.facebook.com/BalashiAruba