Aruba Bank T’aki Tin Caya Grandi
ORANJESTAD, Aruba – 1 di December 2016: For di comienso di luna di november, Aruba Bank a introduci su campaña di fin di aña, “Holiday Skip,” unda cu specialmente clientenan cu un bon historia di pago riba fiansanan por probecha di diferente beneficionan cu Aruba Bank tin pa ofrece.
Esnan cu ya ta participando ta probechando di e beneficio di bonus pa fin di aña, unda cu e cliente ta resta mas placa riba nan cuenta pa cubri e gastonan extra cu e temporada ta trece cune.
Fuera di esaki clientenan por probecha di e beneficio grandi di salta un luna di pago di prestamo esta december y/of ricibi te cu Awg. 5.000,- adicional riba su prestamo personal, prestamo di auto y/of hipoteca.
E campaña di “Holiday Skip,” a cuminsa dia 1 di november y ta disponibel pa tur e clientenan fiel di Aruba Bank te cu dia 15 di december 2016.
Pa aplica pa por djis bishita www.arubabank.com of yama Call Center na 527-7700 pa mas informacion.
Awor Aruba Bank ta sigui celebra e dushi temporada di fin di aña cu su eventonan special na Main Street Express Branch cuminsando awe dia 1 di december unda cu e portanan di e banco, cu ta compronde bo necesidadnan, lo ta habri te cu 8:00 pm durante e evento special di T’aki Tin Caya Grandi. Bin disfruta e shopping night di Caya Grandi y pasa cerca bo banco di confiansa pa saca potret cu Santa Claus y gosa di e dushi ritmonan di grupo musical Katatumbo. Celebra e temporada dushi aki cu e banco cu ta compronde bo necesidadnan.
E fiesta ta sigui dia 3 di december for di 10:00 am te cu 3:00 pm cu un dushi dia pa e muchanan unda nan lo por pinta henter dia na Aruba Bank e banco cu mas historia na Aruba. Dia 8 di december bini hunto cu famia na Aruba Bank Mainstreet Express Branch te cu 8:00 pm y disfruta di e dushi ambiente di fin di aña riba e ritmonan di grupo musical Katatumbo. E proximo fecha di celebracion ta dia 10 di december unda cu esnan mas chikito di cas ta haya e oportunidad di crea un “Santa’s Hat” pa e #teddy bear” di Aruba Bank.
Pa finalisa e temporada Aruba Bank Main Street Express Branch lo tin dia 15 di december un shopping night special unda cu tur cu bishita caya grandi lo por disfruta di shownan di baile y canto y bay cas cu caranan tur pinta.