Dia 18 di Maart proximo na Aquarius Restaurant y Captain’s Corner

ORANJESTAD – Diamars dia 18 di Maart proximo, Aruba lo ta celebrando su Dia di Himno y Bandera- esaki mesora ta bin acompaña cu un sin fin di actividad y awor tambe cu oportunidad di disfruta un brunch of dinner netamente Arubano cu sigur lo lagabo sinti manera turista riba bo isla. Aquarius restaurant situa den Renaissance Mall y Captain’s Corner na Renaissance Ocean Suites a uni su mes na e celebracion di e aña aki. Aquarius a prepara un buffet extenso cu lo brinda platonan diferente y varia cuminsando for di 12’or di merdia te cu 3:30pm pa $30 pa persona (exclusivo service charge). Ta bon pa menciona cu e buffet aki lo inclui pisca fresco y un variacion amplio di cumindanan crioyo. Muchanan entre 5 y 12 aña ta come pa mitar di preis. Aquarius restaurant ta conoci pa su salad bar bon surti y cosnan di boca dushi cu sigur lo no por keda afo.  Captain’s Corner na su turno ta invitabo pa saboria e sabornan Caribense den un delicioso buffet pa $23.95 pa persona (exclusivo service charge), cuminsando for di 5’30 di atardi, happy hour entre 4’30 y 6’or di atardi. Dia 18 di Maart proximo celebra Dia di Himno y Bandera cu bo famia sea merdia of parti atardi. Pa reservacion di brunch por yama Aquarius Restaurant na 523-6156 y pa reservacion di dinner por yama Captain’s Corner na 523-6287 Ya caba por tuma nota cu ta den ambiente di celebracion; a decora cu bandera y e colornan cu ta pertenece na Aruba su colornan nacional riba dak di Renaissance Marketplace y na e balcon nan di camber di Renaissance Marina. Renaissance Aruba Resort & Casino ta desea henter pueblo di Aruba un feliz Dia di Himno y Bandera.