Lisaika Everitz ta gana 500 florin na kompras!

WILLEMSTAD:-  Ya ta un luna pasá ku Carrefour Market a habri su portanan na Sambil. Ademas di duna chèns na su klientenan pa gana un Nissan Kicks nobis nobis na kada kompra di 50 florin òf mas, resientemente a saka e ganadó di su kampaña riba social media tambe. Sra. Lisaika Everitz a gana 500 florin na kompras! Sr. Aubrey Regina, direktor di e supermerkado di mas nobo na Kòrsou a entregá sra. Everitz su premio djarason atardi.

Ta selebrá e wikènt aki!

Carrefour tin su spesialnan tur siman, i nan ta bálido henter siman! Aubrey Regina ta enfatisá ku Carrefour ta konosí pa promoshon i deskuento den supermerkado, ta nifiká ku ademas di e oferta semanal, tin mas oferta den e supermerkado mes tambe. “E preisnan chikitu riba produktonan di Carrefour ta loke mas nos klientenan ta gusta. Nos a kumpli ku nos promesa tambe; produktonan di kalidat haltu na preisnan chikitu pa tur pòtmòni  i pa henter pueblo”, asina sr. Regina a komentá.  Lo selebrá un luna di Carrefour Market na Kòrsou e wikènt aki engrande. Ta pidi tur kliente pa tene e página di Facebook di Carrefour na bista pa un anunsio interesante i sumamente atraktivo!

Carrefour Market na Sambil ta habrí di djaluna pa djasabra for di 7:30 pa 20:30 i djadumingu for di 7:30 – 17:00.  TUMA NOTA ku djasabra awor, dia 27 di aprel, Dia di Rei lo tin orario adaptá i lo habri for di 8’or di mainta pa 9’or di anochi!