A instalá sistema moderno di èrko i refrigerashon:

WILLEMSTAD:- Espektativanan pa Carrefour na Kòrsou ta oumentá tur dia mas i ya kaba por kuminsa nota e publisidat rondó di Carrefour Market,  anunsiando ku pronto e supermerkado lo habri su portanan na Sambil. Aubrey Regina ta komentá, “Mi ta sigur ku Carrefour Market lo surpasá espektativanan. Kòrsou por spera un eksperensia di kompras nobo ku lo no solamente ofresé produktonan Europeo sino tambe Merikano. Produktonan di kalidat, na preisnan lokal. Un produkto kualitativamente haltu, no nesesariamente mester ta karu! Carrefour Market ta ideal pa ‘kompras di tur dia’, no di djis un òf dos bes pa luna. E kliente lo ripará ku e preisnan ta asina kumbiniente ku por yega Carrefour pa e kompras di mas chikí, te na esun di mas grandi”. Lo ofresé produktonan propio (Carrefour) den tur departamentu. Asina tambe por bai konta ku un selekshon di e.o produktonan di Fransia i produktonan Bio i Gluten-Free.  E konstrukshon ta avansando segun skema. Fin di aña 2018 Sambil a kompletá loke nan tabata falta pa akomodá Carrefour, i awor por drenta e fase final. Lo no dura mucha mas! Un di e fasenan ku a dediká hopi na dje ta, e parti di refrigerashon. Por menshoná ku e instalashon di èrko ku Carrefour lo usa den su establesimentu ta esun di mas moderno teniendo kuenta ku nos medioambiente; lo no usa hopi energia. Meskos tambe por menshoná ku e sistema di refrigerashon lo tin emishon abou di Co2.   Esnan ku ta bishitá Sambil por a nota ku ta trahando ku alma i kurason pa por habri e promé establesimentu di Carrefour Market na Kòrsou. Adishonalmente, awor Carrefour lo tin su propio entrada na e parti mas pabou di Sambil. Keda pendiente di e página di Facebook di Carrefour Curacao lo anunsiá e  fecha di apertura pronto!