…Te ku 2 di sèptèmber próksimo…

WILLEMSTAD/ Yüli –  Den kuadro di preparashon pa Curaçao North Sea Jazz Festival (CNSJ), Carnaval Casino ta bèk ku su kampaña ‘Jazz & Cash’. Entre 15 di yüli i 2 di sèptèmber Carnaval Casino ta duna su miembronan oportunidat semanalmente di gana premio kèsh i 2 entrada pa CNSJ dor di spar e kupònan di e kampaña.

Pa kada 15 punto ku e kliente akumulá riba su karchi di miembresia, hungando riba e slòt mashinnan e kliente ta risibí un kupòn. Ta bon pa menshoná ku e puntonan no ta wòrdu dedusí for di e total. Esnan ku ta hunga weganan di mesa tambe por partisipá risibiendo un kupòn pa kada kombinashon dependiendo di e wega. E kampaña ‘Jazz & Cash’ lo konta ku rifanan semanal dianan 5, 12, 19 i 26 di ougùstùs i 2 di sèptèmber pa 9’or di anochi. Kòrda tuma nota ku tur esnan ku a depositá nan kupòn di e kampaña ‘Jazz & Cash’ den e buzon na Carnaval Casino lo mester tei presente durante di e sorteonan ku un identifikashon bálido. Tur djarason lo tin entretenimentu bibu pa hinka un i tur den ambiente di CNSJ.

Carnaval Casino ta invitá tur miembro pa spar kupòn i partisipá na e kampaña di ‘Jazz & Cash’ ku chèns di gana tur siman premionan efektivo i karchi di entrada pa CNSJ. Pa mas informashon tokante reglanan di ‘Jazz & Cash’ òf pa bira miembro por pasa na e “Players Center” den Carnaval Casino òf yama 435-5089. Carnaval Casino ta habrí tur dia for di 10’or di mainta te 4’or di mardugá ku posibilidat pa parker bo outo grátis. Kampaña ta válido te ku 2 di sèptèmber.