Promé ganadó di ‘Carnaval Casino goes Latin’:

WILLEMSTAD – Mei – Kòrsou ta pendiente pa ‘Viva La Musica Latina’ e konsierto di músika latino tumando lugar dianan 29 i 30 di mei próksimo. Pa aportá na e eksperensia di VLML, Carnaval Casino a introdusí su kampaña ‘Carnaval Casino goes Latin’ ku chèns di gana 2 entrada pa e VLML i tambe plaka kèsh. E promé ganador di e kampaña ku a resultá Sr. Antony Curial ku a gana 2 karchi di entrada pa VLML pa ámbos anochi. Ta bon pa rekordá klientenan di Carnaval Casino ku e kampaña aki ta vigente te dia 27 di mei. Pa partisipá ta fásil; akumulá punto riba bo karchi di miembresia i risibí 1 kupòn pa kada 15 punto akumulá. Hungadónan di mesa tambe por partisipá den e kampaña aki risibiendo 1 kupòn pa kada kombinashon spesífiko. Ta bon pa menshoná ku e puntonan no ta wòrdu dedusí for di e total. Siguiente sorteonan lo tuma lugá dia 13, 20 i 27 di mei pa 10’or di anochi. Tur esnan ku depositá nan kupòn di e kampaña ‘Carnaval Casino goes Latin’ den e buzon na Carnaval Casino lo mester tei presente durante di sorteonan ku un identifikashon bálido.

Ademas di e ganador di kampaña ‘Carnaval Casino goes Latin’, Carnaval Casino a konosé otro felis ganador di jackpot tambe, Sr. Harold Rodrigue ku ta di bishita riba nos isla a resultá felis ganador di $12.775,65 kèsh. Purbando su suerte na e mashin ‘Quick Hit 9 Jackpot’. Carnaval Casino ta sigui komprobá ku e ta e sinónimo di suèrte. Pa mas informashon tokante reglanan di kampaña ‘Carnaval Casino goes Latin’ òf pa bira miembro por pasa na e “Players Center” den Carnaval Casino òf yama 435-5089.