‘like & share’ nan pagina di Facebook i gana premio tur luna

WILLEMSTAD – Sèptèmber 2015 – Den preparashon pa su di 7 aniversario, Carnaval Casino ta introdusí su kampaña ‘Like & Share’ riba Facebook. Awendia tur hende ta hasi uso di ‘social media’ i Carnaval Casino ta enkurashá su klientenan pa ‘Like & Share’ i gana premionan atraktivo. E kampaña ta kuminsá djamars dia 15 di sèptèmber ku posibilidat di gana premio tur luna! Partisipashon ta fásil, djis ‘like’  Carnaval Casino su paginá di Facebook i ‘Share’ e anunsio di e kampaña i bo ta den e rifa. Tur luna partisipantenan tin oportunidat di gana un desayuno pa 7 persona na Nautilus Restaurant. Si e partisipante ta miembro di Carnaval Casino e por gana un sena pa 7 persona na Xquisit Restaurant inkluyendo un bòter di biña. Dianan di sorteo pa e kampaña di ‘Like & Share’ ta 23 di sèptèmber, 23 di òktober, 23 di novèmber i 23 di desèmber. Ganadornan lo wòrdu anunsiá riba e paginá di Facebook di Carnaval Casino i den korantnan lokal. Ta bon pa menshoná ku tur ganador mester saka un potrèt ku nan grupo durante e desayuno òf sena, ‘post’ esaki i ‘tag’ Carnaval Casino den dje. Partisipante di kampaña ‘Like & Share’ mester tin 18 aña òf mas. Carnaval Casino ta na kaminda pa selebrashon di su 7 aniversario huntu ku tur su klientenan. Keda pendiente pa mas kampaña atraktivo. Pa mas informashon tokante e reglanan di e kampaña ‘Like & Share’ òf pa bira miembro por pasa na e “Players Center” den Carnaval Casino òf yama 435-5089. Carnaval Casino ta habrí tur dia for di 10’or di mainta te 4’or di mardugá ku posibilidat pa parker bo outo grátis. Kampaña ta válido te ku 23 di desèmber, 2015.