…Carlos Zimmerman ta bai ku outo #67…

WILLEMSTAD/ OUG– Ni un siman despues ku outo 66 ta wòrdu ganá, ya kaba outo 67 tin otro doño. Sr. Carlos Zimmerman ta bira ganador di un KIA Cerato Koup 4 porta, kompletamente ekipá i nobo nobo! Luna di Ougùstùs ta demostrando hopi suerte na Carnaval Casino. Tabata un momentu inolvidabel ora ku e mashin ‘Win a Car’ di Carnaval Casino a anunsiá Sr. Carlos Zimmerman komo e felis ganador di e KIA Cerato Koup; e’la bishitá casino ku e propósito di kompañá su subrina ku ta fiel amante di Bingo, sin sá ku riba e dia ey- e suerte tabata di djé! Den apénas 20 minüt, hungando $1, Sr. Zimmerman, miembro di Carnaval Casino ta bira felis ganador di un outo. A brinda ku e tradishonal kèlkinan di shampaña i asina selebrá e momentu. Riba fotonan athuntu por haña un impreshon di e momentu ku Carnaval Casino ta felisitá Sr. Carlos Zimmerman ku su outo nobo. Masha Pabien!