“Ta un gran honor pa ta e promé yu di Kòrsou ku lo yena e sapatunan di team manager di e team kulinario di Kòrsou i pa representá nos dushi isla na Taste of the Caribbean na Miami dia 6 pa 10 di yüni” Carlos Anthony ta bisa.
Carlos Anthony a kuminsá su biahe kulinario den 2010 kaminda e a gana e titulo Curaçao Senior Chef di aña, durante e aña aki e team kulinario di Kòrsou a gana bròns na Taste of the Caribbean na Puerto Rico. Den 2012 Carlos Anthony a gana e titulo Curaçao Pastry chef di aña, kual e a representá ku gran éksito na Taste of the Caribbean na Miami dor di a gana tres medaya di plata ( 1 pa e kompetensha di team, 1 pa e kompetensha di cheesecake i 1 pa e kompetensha di pastry). Den 2013 Carlos Anthony a representá Kòrsou un bia mas ku e titulo Curaçao Pastry Chef i a gana medaya di ora ku su cheesecake na e kompetensha di cheesecake. Esaki a la bes tabata e promé bes ku Korsou a gana oro pa e kompetensha di pastry. Den 2014 Carlos i e team kulinario di Kòrsou a trese kas tres medaya di plata di kual Carlos a gana unu pa e kompetensha di cheesecake i unu pa e kompetensha di pastry.
Ta apto pa siña algu nobo, sera konosí ku hende nobo, e gana di gana kada bes, i e oportunidat di por ta un bon yu di Kòrsou dor di representá nos isla den eksterior ta lokual ta motivá Carlos kada bes. E motivashon aki ta lokual Carlos ke transmití na partisipantenan di e kompetenshanan kulinario. “Dor di partisipá na e kompetenshanan kulinario bo ta amplia bo CV, un manera great pa siña kosnan nobo di gastronomia, pa representá Korsou i pa mehorá bo mes komo Senior Chef, Junior Chef, Pastry Chef i Bartender” Carlos Anthony ta indika.
“Dor di kuminsa chiki, bo ta traha un fundeshi ku ta hibabo na e kurashi p’abo por traha den kushina.” Carlos Anthony ta un bon ehèmpel ku dor di kuminsá chikí bo ta krea un fundeshi ku ta guiabo na kurashi, i ta kosechando e frutanan di esaki, kual ta bisto den su kresementu kulinario. Carlos Anthony ta Chef di Cuisine na Nemo Restaurant, for di 2014 e ta forma parti di un programa di Televishon i tambe e sa duna diferente tayernan na skolnan.
Ku gran orguyo Carlos ta hinka su mes den e ròl di team manager di e team kulinario di Kòrsou i ta duna 100% di su mes pa guia e team kulinario di Korsou na un otro aña di gran éksito!
Curaçao Culinary team 2016 proud sponsors:
Golden Sponsor: Insel Air
Sponsor: Curaçao Marriott Beach Resort & Emerald Casino
Pa mas informashon por yama na e ofisina di CHATA na number: 465-1005 i puntra pa Shardinoushka Schoop of por manda un email na culinary@chata.org