E fin di siman aki , disfruta na Kanal 80 di e promé parti di lo ke kanal 80 a graba na Paramaribo , Surnam !! Carifesta ta e interkambio kultural di paísnan di Caribe  ku ta trese nan arte , musika , kanto , baile , kuminda , moda , obranan di man  ets den un enkuentro masha agradabel ! E aña aki ta di e di 11 aña ku e la tuma lugá i esei tabata na Surnam ! E idea a nase na 1972 na Guyana , The Carribean Festival of Creative Arts  ( CARIFESTA )…  Ta durante di un enkuentro di eskritornan i artistanan e pensamentu a surgi ku lo ta bon , pa tur aña trese un evento di arte ,  kaminda artistanan di rònt Caribe por trese nan talentonan dilanti ! E meta prinsipal : fortalese e identifikashon di Caribe !! Por a nota si , ku tabatin paisnan di otro kontinente tambe e aña aki na SURNAM ( Korea , China , Argentina i Brasil ) !! E aña aki ta di 11 aña .. e la yega di tuma lugá na Guyana ( 2x ) , Barbados , Trinidad & Tobago ( 3x) , Cuba , St Kitts & Nevis , Jamaica i Surnam ( 2x) !! Korsou tambe tabata presente ku un delegashon ku na kabes Minister Sra Bitorina !! Masha hopi aktividat tabatín i na Kanal 80 lo Bo por mira varios parti , prinsipalmente partisipashon di Korsou !! Den e promé edishon Bo por mira : Parti di apertura   ,  bista den e Grand Cultural Market ( kolekshon di obranan e.o. di Korsou Asyla ten Holt , Manchi Pieters ku Kompa Nanzi ) ,  grupo di Korsou  Cesario Dance Creation , Tipiko Pasa Bon , Sheila Payne ( konta kuenta ) , presentashon na e kompleho STIBULA ( Stichting Buurtorganisatie Latour ) ,i algun artista presentando den Marshé Kultural  e.o. di CUBA !! Danki na kooperashon di Gobiernu di Korsou ( Servisio di Kultura i Deporte )  , T.D.S , CURINDE i Fundashon Bon Intenshon kanal 80 por a bai !!

Bo ta sinti Bo na SURNAM !!

Dichoso ta e wowonan ku ta mira kanal 80 !!!!!