Spar i troka Fun Miles
WILLEMSTAD – Fun Miles semper a sostené eventonan di taya; for di Marc Anthony pa festival i konsiertonan manera Amnesia, Oscar D’Leon i vários otro mas. Semper por a kumpra karchi na ofisina di Fun Miles i esaki lo keda asina tambe. Sinembargo, Fun Miles ta masha orguyoso di por introdusí un partner sólido pa benta di karchi online: www.caribbeanticketshop.com. E punto di benta ‘online’ ta fásil, lihé i konfiabel, ademas ta hasié posibel pa spar i troka Fun Miles. Pa kada karchi kumprá online, klientenan ta risibí 20 Fun Miles- hasta ora e karchi a wòrdu kumprá ku Fun Miles! E kolaborashon nobo aki ta hasi kumpramentu di karchi pa evento muchu mas kumbiniente, fun i atraktivo!
Tokante Caribbean Ticketshop
Caribbean Ticketshop ta é online ticket shòp pa Caribe. E ta eliminá e kongestion na puntonan di benta, karchi pèrdí òf paramentu den fila na un evento. E wepsáit www.caribbeanticketshop.com ta sigur i modèrno i ta hasié posibel pa kumpra karchi lihé, 24 ora pa dia, 7 dia di siman. Tin karchinan optenibel pa diferente evento, for di konsierto pa festivalnan kulinario, i for di tour pa eventonan deportivo. Opshonnan di pago ta inkluí, iDeal, PayPal, tarheta di krédito, por kumpra na Euro, Dòler i awor hasta ku Fun Miles! Unabes e transakshon ta kompletá, lo email e karchi pa e kliente, ku na su turno por print esaki òf mustra e kódigo di su karchi na entrada di e respektivo evento. Mas fásil no por! Awor, komo un servisio adishonal bo por kumpra bo karchi via nan terminal na ofisina di Fun Miles na Dominguito tambe. Pa kumpra bo karchi online bishitá: www.caribbeanticketshop.com
20 aña di Fun!
E aña aki, Fun Miles ta selebrá su 20 aniversario komo e programa di rekompensa mas grandi den Caribe. Mas di 100,000 miembro riba 4 isla ta usa Fun Miles pa eksplorá nan ‘fun’ tur dia, na mas di 150 kompania lider den region. 2018 lo ta un aña di selebrashon, diferente oferta, evento i sorpresa. Esaki ta e mihó tempu pa bo ta miembro di Fun Miles.
Mas informashon tokante Fun Miles?
Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.