Willemstad- Ya ta tres aña pasá ku Kòrsou tabata anfitrion di e promé konferensha di tattoo den Caribe.  E aña aki e konferensha lo tuma lugar dia 2 i 3 di Novèmber próksimo na Holiday Beach Resort. Esfuersonan a keda hasí pa tin representantenan for di henter region i algun mas ku lo ta di bishita na Kòrsou spesialmente pa e konferensha. Tattoo ta arte físiko; loke ta keda yamá ‘body art’, esaki ta wòrdu hasí posibel dor di hasi uzo di ink ireversibel, esaki ta kambia kolo di e pigmènt. Tattoo ta wòrdu utilisá komo dekorashon físiko i último tempunan aki a bira masha popular. Kòrsou tin algun artista di tattoo ku renombre internashonal i ku ta mantené nan mes na standartenan haltu di higiena i arte, ademas di esaki nan ta bishitá konferenshanan internashonal anualmente pa keda debidamente informá di e último desaroyonan den nan ‘field’. Un di e artistanan aki ta e popular Byron Jacobus di ‘Byron Tattoos’, ku ta e fundador tambe di e Caribbean Tattoo Convention.

Caribbean Tattoo Convention 2013:

Caribbean Tattoo Convention, ta tuma lugá na Venetto, Holiday Beach Resort. Pa e konferensia aki a haña konfirmashon di partisipashon for artistanan di tattoo for di Ulanda, Sürnam, UK, USA, Argentina, Venezuela i naturalmente nos propio artistanan di arte físiko. E Caribbean Tattoo Convention ta netamente pa por duna un eksposishon di trabou di e artistanan lokal i internashonal, guest artist pa e evento lo ta for di Argentina, Victor Peralta– esaki riba djasabra i for di Venezuela, Emilio Gonzalez, riba djadumingu ; pues riba e dia aki, por hasi tattoo, òf mira otronan haña un tattoo. Ademas di esaki a kombiná e programa ku músika di Dj henter dia, MC Iski i Dj Q t tambe presentashon di ‘Alex’ riba su guitara i Sexy Dancers. Lo tin kompetensia ‘Beer Competition’ i naturalmente tambe e ‘Tattoo Competition’. Ademas di esaki manera tur aña tin un ‘show èkstra’ pa tur ku bishitá e konferensha. Riba djadumingu dia 3 di novèmber entre 6’or i 8’or lo presentá un show di ‘Suspension’. E show aki ta algu espektakular pa mira, na unda ku ta hinka hak spesial den e kurpa humano pa despues kologá for di kabuyanan spesial. Lo tin un bar i kushina bon surti pa tur hende pasa 2 dia fenomenal. Portanan ta habri ámbos dia for di 12’or di mèrdia te 9’or di anochi i ta kosta 25 florin pa dia, na porta lo tin pakete pa 2 dia di èkspo optenibel. Despues di e konferensha tur ku a bai e Caribbean Tattoo Convention tin entrada grátis pa un ‘After Party’ na Vegas 360. Pa mas informashon por yama 514-0432 bishitá e websáit; www.caribbeantattooconvention.com òf email info@caribbeantattooconvention.com