ORANJESTAD , Aruba 18 februari 2016 : Lynette actualmente ta studiando Accoutancy na Hulanda y no ta hoben desconsi den e farandula na Aruba specialmente den e mundo di belleza.

Despues di hopi anticipacion ,algun luna pasa Lynette a anuncia por medio di su pagina social cu elo ta concursando pa e corona di Miss Aruba Universo 2016. Despues di lunasnan di e preparacion fisico ayanan na nos madre y patria Hulanda, Lynette ta continuando cu su preparacion den gran forma na Caracas ;e pais conosi pa ta lider den e certamen di Miss Universo y pa tin e candidatanan mihor prepara y e muhernan mas bunita di Universo. Den e dianan cu e tin caba na Venezuela ela topa cu varios preparadornan y profesionalnan cualnan ta conosi pa ta expertonan den e ramo di belleza. Algun diseñador Venezolano hopi renombra tambe lo ta yudando Lynette den su preparasion ,pa asina sigura cu e lo laga e nomber di Aruba semper resona den exterior! Lynette lo ta siguiendo simannan largo di les di pasarela for di e conosido “Reina del tumbao” Gisselle Reyes, tambe elo ta expandiendo su conosimento riba areanan manera fotopose, makiyahe y mucho mas. Esaki ta simplemente e comienso pa e preparacion extenso di Lynette do Nascimento su candidatura pa e corona di Miss Aruba Universo 2016.