Cu financiamento di Fundacion Lotto pa Deporte

Comision di Subsidio cu financiamento di Fundacion Lotto pa Deporte semper ta aporta na nos federacionnan cu ta trahando duro na progreso di nos atletanan local. Comision di Subsidio no solamente ta otorga subsidio na bienestar di nos atletanan, pero tambe hunto cu Lotto pa Deporte ta sostene eventonan deportivo local y internacional teni na Aruba mes. Tur aña Aruba ta cede di diferente torneo deportivo internacional unda paisnan den nos region ta bini y compete hunto cu esnan di Aruba mes. E dianan 22, 23 y 24 di November proximo e pista di bike cross na Parke Jaburibari lo ta anfitrion di e  “2nd Youth Dutch Caribbean Championships 2013″, cu lo conoce participacion di coredornan di Corsow, Boneiro y Aruba mes. E competencia lo ser cori conforme cu e reglamentonan di Federacion di Ciclismo Arubano (AWB) y reglamento di UCI. E Parke di Jaburibari algun aña atras a haya un renobacion complete unda a profesionalisa e pista pa asina nos coredornan local por ahusta nan mes den nan preparacion pa ora nan bay competencianan internacional. Riba e prome dia, esta diabierna lo tin e inscripcion y pagona e pista di BMX ” Parke Jaburibari”. Pa su mayan diasabra lo tin e entrenamento oficial di 9 – 11am, e warm-up lo ta di 1or pa 2or, mientras e fase clasificatorio lo ta di 2.20 te cu 6.30 di atardi. Diadomingo lo tin e 2nd Youth Dutch Caribbean BMX Championship 2013, warm-up lo ta di 8.30 – 9or, e fase clasificatorio di 9or pa 2or di atardi, por ultimo e clausura y premiacion di 2.15 te cu 3or.