ORANJESTAD, Aruba – 13 di maart 2017: For di dia 7 di februari cu Nagico Insurances a lansa su campaña di carnaval, a nota hopi creatividad di comunidad. Durante henter e temporada dushi di nos fiesta cultural di mas grandi, Nagico a lansa un campaña unico unda a invita hemter e  comunidad pa traha un clip y pone riba nan Facebook page.

Reglanan tabata hopi simpel. Hopi biaha den temporada di carnaval nos ta carpool. E clip mester tabata carnavalesco, cantando un of mas cantica di carnaval den auto den un manera responsabel tras di stuur.  E personanan cu a dicidi di participa a saca tur nan talento scondi, a disfruta y a crea clipnan masha original como tambe dibertido.

A crea disfraznan, canticanan canta estilo Karaoke y tur esunnan cu a sigui e campaña a sa di gosa, cantando hunto cu e talentonan scondi. Den un forma unico Nagico a manda un mensahe di conscientisacion na tur esunnan cu a participa den carnaval pa gosa sin lubida di siguridad den trafico na Aruba.

Mirando tur e clipnan fenomenal pa Nagico Insurances, e no tabata facil pa saca ganado. Despues di sinta un anochi cu tur hurado cu a delibera ariba e criteria di e campaña a logra scoge e ganador y finalista. Esaki a keda den man di Stephanie Camacho, Nelleke Cardenas y Roxanne Kock-Croes cu como grupo a logra di bira e ganado oficial di e campaña “Nagico Carpool Challenge”.

Puntonan cu a resalta den e clip aki tabata e creatividad den texto di e canticanan scogi, a haci uzo di disfraznan fenomenal y mas importante ainda ta cu nan a mustra e importancia di uzo di faha di siguridad. Tur esaki na un forma hopi dibertido.

E di dos premio a bay pa Kasey Wever cu tambe e demostra su originalidad unda cu a drenta den auto y pasa busca otronan completamente disfrasa, incluyendo e Reina di Carnaval 63, nan a canta y a resalta e importancia di haci uzo di e “Road Service” di Nagico ora haya problema riba caminda.

Nagico ta hopi contento cu e resultado di e campaña aki y ta sigui pidi chauffeurnan pa stuur cu cautela. Ta corda tur hende cu si nan uni na e famia di Nagico Insurances,  nan ta spaar  15% of mas, locual ta un averahe di 200 florin pa aña riba nan seguro di auto. Esaki ta adicional di un lista largo di bentaha cu Nagico so ta ofrece na su aseguradonan.