Ku hopi orguyo Grupo di Karnaval Helengue ta anunsiá ku e banda musikal Cache Royale ta bai karnaval ku Grupo Helengue i asina Helengue ta bai hasi su debut den karnaval 2016. Grupo Helengue a anunsiá kaba ku nan ta bai ku Dj Ro-1, Dolce, Nsty Play, HNLY ku ta kanta algun spòt. I e artista internashonal Alison Hinds, i vários artista grandi den “musical” ku tabata koleganan di Danny Yanga ku ta bin abou pa forma parti den Helengue, ku ta bai baila den e grupo, pues ta forma parti di Grupo Karnaval Helengue. Mester bisa ku e interes ta grandi pa ku Grupo Helengue i ku aworakí inskripshon a sera pa ku e parti general di Helengue. Si bo ta interesá di bai karnaval ku Helengue tin e sekshonnan Luxurious, Helengue Fun i Helengue VIP ku si ta habri ainda i bo por inskribí pa forma parti di e grupo. Mester bisa ku Helengue ta para pa ser inovativo, moderno, desente i alabes ku e focus riba Ambiente. Den luna di mei Helengue a presentá su trahe general i tabatin mas di mil persona ku tabata presente i tambe mester bisa ku Helengue a hasi su Mid Year Jump In mei mei di aña ku tambe tabata un éksito rotundo i ku Kòrsou por spera esaki otro aña atrobe djasabra 6 di Ougùstùs 2016, i asina nos por menshoná hopi aktividat mas ku e grupo aki a bin ta hasi pa asina yuda krese karnaval di Kòrsou i duna realse na loke ta trata e fiesta di mas grandi di pueblo aki na e isla di enkanto ku ta nos dushi Kòrsou. Si bo ta interesá den e sekshon Helengue Fun mester bisa ku e sekshon aki ta pa hóbennan te ku 20 aña di edat. E trahe ta fantástiko pa asina e hóbennan por lusi pero tambe por baila i disfrutá di nan karnaval ku entretenimiento di NSTY Play i tambe Cache Royale, no ta sirbi bebida alkohóliko den e sekshon aki. Pa e sekshon di Helengue Luxurious mester pone énfasis ku e sekshon aki ta unu luho i un trahe traha ku hopi dedikashon mirando ku ta e trahe pa desfilá i modelá i ta una beyesa pa atmirá, ku un preis hopi fabuloso. Mirando ku tin hopi persona ku ketubai ke forma parti di e famia Helengue por tuma miembro atrobe pa e sekshon general si pa un òf otro motibu un miembro di Helengue no por partisipá mas. Nos tin si aworakí un sistema di wachtlijst i si bo ta interesá den Helengue bo por yama òf app Danny Yanga mes na 521-3700 òf 560-6225 pa asina e duna bo tur informashon tokante e grupo ku tin mas Ambiente ku ta Helengue, den karnaval 2016. Djadumingu 11 di òktober tin presentashon di e trahenan Luxurious 17:00 pa 18:00 i alabes trahenan pa Helengue Fun ku ta kuminsá 19:00 pa 20:00. Pa bo ke presensia e trahe Luxurious bo mester yama i registrá pa bo por tei presente. Pa Helengue Fun un i tur ta bon bini muy espesial nos hóbennan. Tur demostrashon di trahe ta tuma lugá na BECAUSE Entertainment Center. Grupo di Karnaval Helengue ta kontentu ku e tantísimo Helengueronan ku ta forma parti di e grupo i ku ta kla pa asina prepará pa konhuntamente nos bai marcha i pa asina laga mundu sa ku tin un grupo mas ku ta kla pa laga Sta. Maria sa dia 7 di febrüari 2016 di nos promé pasonan, Marchena ku ta konosí ku su dulsura sigur ora Helengue ta bai pasa i seguidamente pasa den kaya kòrá ku un Ambiente ku ta pegahoso, yamativo i alabes ku bo ta bai bira loko loko ku e vibrashon di Helengue, Helengue ta nos tin e Ambiente. Like nos FB-page: Helengue, pa bo keda bon informá.