Colaboracion cu lider den mercado pa comunicacion via satelite esencial den e preparacionnan pa temporada di horcan

PHILIPSBURG/ ORANJESTAD: Diamars dia 19 di juni ultimo  Critical Communication Caribbean (C3) na St. Maarten a oficialisa su partnership cu Iridium.  E compania ta lider den mercado riba tereno di comunicacion via satelite. “Esaki ta un logro importante pa C3, considerando cu e horcan devastador Irma a siña nos cu ta di sumo importancia y indispensabel pa mantene un bon comunicacion den momento di calamidad y situacionnan di emergencia. Ta nos mision pa garantisa e nivel di mas halto den continuidad riba tereno di critical communication.”, esaki di acuerdo cu Bert Schreuders, Managing Director di C3.

Prome cu a oficialisa e partnership cu Iridium, e Director pa Desaroyo Empresarial di C3 sr. Roberto Darias a duna un presentacion combina cu un demostracion bibo di e sistema Push-To-Talk (PTT) di Iridium.

E añadicion di Iridium na e portofolio di C3 ta un proximo paso pa crea un ‘communication redundancy’ – un reserva- specialmente pa e momento cu tur comunicacion publico i konvenshonal keda destrui of no ta accesibel. E benefisionan di Iridium ta cu e.o su red tin un latencia abou, mescos tambe e echo cu e tin cobertura mundial y su red ta continuamente disponibel; e satelitenan ta keda den movecion ademas tin un disponibilidad di 9 satelite di reserva den orbita.

Aunke telefonnan satelite ta wordo uza años caba, tin diferente servicionan riba tereno di comunicacion via satelite cu a keda amplia recientemente. Akinan C3 ta referi na por ehempel e Push-To-Talk y servicionan di data cu ta posibel via di e red satelite di Iridium. Na e momento cu siguridad ta depende di comunicacion, clientenan di C3 mester por comunica mesora cu nan team. Esaki por ta cuestion di bida of morto- situacionnan critico. Iridium ta haci e comunicacion aki posibel den tur situacion, unda cu bo por ta, hasta den e sitionan mas dificil.  E temporada di horcan a kuminsa caba y  tur hende kier ta prepara pa esaki; p’esey e colaboracion di C3 cu Iridium ta net na e momento apropia.