WILLEMSTAD – Djamars 18 di yüni, C3 (Critical Communication Caribbean) a keda elegí komo ganadó di International Critical Communications Award 2019 den e kategoria “‘Outstanding Example of After-Sales Support’“. C3 a risibí e prestigioso premio pa su trabou importante durante i despues di e orkannan Irma i Maria ku a pasa riba e isla di St. Maarten, pa kual tambe el a wòrdu nominá den e kategoria ‘Best Use of Mission-Critical Communications During a Major Event’.  Bert Schreuders, direktor di  C3, a risibí e premio durante e seremonia na Kuala Lumpur, Malasia. Señor Schreuders ta dediká e premio na e tim di C3 St. Maarten, i ta afirmá ku “risibí e rekonosementu internashonal pa e logro aki ta un gran honor. Tambe mi ke rekonosé Rohill, e provedó di nos ret robusto Tetra pa hasi esaki posibel”.

Dikon C3 a risibí e premio aki?

Dia 6 di sèptèmber 2017, e islanan St. Maarten, St. Eustatius i Saba a wòrdu destrosá pa Irma, un orkan di kategoria 5 ku bientu Organized by MA Exhibitions, in association with The Critical Communications Association (TCCA), the ICCAs are regarded as the most sought-after recognition in critical communications. di 182 mph. Dos siman despues, e islanan a bolbe wòrdu sorpresá pa un di dos orkan di kategoría 5, ku a karga e nòmber Maria.

E komunikashon esensial na e isla a wòrdu opstakulisá pa motibu ku no tabata tin koriente, generator ku no fasilmente por a wòrdu yená i bateria di reserva ku a baha. E destrukshon i káos a shòk henter e komunidat, loke a hasi difísil pa outoridatnan mantené e seguridat i orden publiko. Tres ora despues di Irma (asina ku gobièrnu a duna outorisashon), C3 a tuma medidanan, i despues di hopi trabou, a bolbe aktivá -ku éksito- e servisionan di emergensia pa por a komuniká sin interupshon. Esaki a yuda e unidatnan pa kordiná e akshonan, enfrentá e situashonnan urgente, mantené lei i orden publiko den situashon di trouma, vandalismo i asta reskatá bidanan. Segun e huradonan, “C3 a demostrá di tin e abilidat i konosementu krítiko pa dil ku kalamidatnan grandi manera orkanan di kategoria 5″.