WILLEMSTAD:  Pa e último 80 añanan C3, ántes Zenitel i Radio Holland a bin ta ofresé solushonnan den komunikashon krítiko pa sektor di seguridat públiko. E kompania ta keda krese i desaroyá di un manera eksitoso i awendia ademas di ofresé su servisionan na Kòrsou tin ofisina na e.o Aruba i Sint Maarten, islanan BES i Anguilla na unda C3 tin su propio red TETRA, pero tambe tin enfoke riba henter Caribe i region nort di Latinoamérika. Di akuerdo ku su direktor sr. Bert Schreuders, nan ta masha gradesido na klientenan ku den transkurso di e último 8 dékadanan a konfia den servisionan di Zenitel, awor C3 (Critical Communication Caribbean). “Hopi hende ainda tin ku kustumbrá ku e kambio di nòmber, di Zenitel pa C3. Pero, e ekspertisio ku nos ta ofresé nos klientenan i e kurason ku nos ta pone den nos trabou ta intakto – esaki ta e mihó manera pa nos premia nan lealtat. C3, lo sigui krese i nos klientenan lo krese huntu ku nos.”

Aña nobo, Edifisio Nobo

C3 pronto lo drenta nan edifisio nobo na Margrietlaan, Emmastad i tantu gerensia i empleadonan ta masha entusiasmá ku esaki. Pa promé bes e kompania lo tin su propio tayer na unda ku instalashon di aparatonan por tuma lugá pa klientenan, tambe a krea henter un hala tékniko for di kual por duna servisio na klientenan di C3.  Ademas ku C3 awor lo ta fásil aksesibel dor di su ubikashon sentral, e  edifisio nobo ta pèrsonifiká e bario, ku meskos ku e kompania ta ankrá den historia di Kòrsou. Arkitektonan di CDC i Brabanis a hasi un bunita trabou pa krea un edifisio moderno i lo entregá e yabinan segun skema. Gerensia ta suprayá e echo ku no opstante un ekonomia ku tin su retonan, nan ta keda kere den Kòrsou i su hendenan. Aktualmente C3 tin 20 empleado na Kòrsou i 32 empleado total inkluyendo Aruba, Sint Maarten i Colombia. Esaki ta e mesun sentimentu ku kual Curaçao Growth Fund (CGF) a invertí den e kompania. Justus Martens i Erik Baas di  CGF ta kere firmemente den e forsa di C3 pa sigui krese i naturalmente den e potensial di Kòrsou komo un merkado pa ofresé solushonnan riba tereno di komunikashon krítiko.

Kalidat i Profeshonalismo

Servisionan ku C3 ta ofresé ta indispensabel i ta inkluí komunikashon na momentu di kalamidat i situashonnan di emergensia na sitionan difísil. Esei ta e momentu ku únikamente e ret di TETRA di C3 por ofresé un komunikashon konfiabel i sigur.  Ora ku bida di e siudadano ta dependé di dje, e asina yama ‘komunikashon kritiko’ ta bira ekstremadamente importante. C3 ta masha orguyoso di ofresé servisio na e.o hospital, kuerpo polisial, servisionan di ambulans, brantwer i diferente otro kompanianan di seguridat.

Futuro

Den 2018, C3 lo sigui elevá su servisionan i hiba nan na un próksimo nivel. E aña aki C3 lo enfoká riba aserká e kliente aún mas tantu. E ret TETRA lo keda kompletamente renobá i aktualisá i lo ofresé aun mas mihó kobertura. Komo distribuidor outorisá di Motorola pa Caribe Hulandes e kompania lo ofresé e aplikashonnan di mas nobo ku tambe lo hasi e kombinashon di bos i data (LTE) posibel. E aña aki C3 lo introdusí un departamentu dediká na Quality Assurance i sertifikashon ISO. E ofisina nobo ku e antène sentral lo fungi komo ‘command center’ pa e ret aktualisá di C3. Tambe lo sigui desaroyá aktividatnan di C3 na region nort di Latinoamérika for di ofisina di Colombia i pronto tambe for di Panamá. Lesa mas tokante C3 riba www.c3.cw i pa Curaçao Growth Fund por bishita www.curacaogrowthfund.com