Asosiashon Aruba Dushi Tera  a tene un bunita konmemorashon di Dia di Himno i Bandera.  E dia a kuminsa ku hisamentu di bandera i kantamentu di himno dilanti kas di un habitante rubiano biba na Tera Kora.  Despues miembronan di e asosiashon a tene un desayuno ameno. Mas anochi a sigui un Santu Sakrifisio di Misa na Parokia di Tera Kora ku pastor Curtis Meris, kende a dedika un bunita misa i mensahe profundo na tur Arubano i tambe Yunan di Korsou ku tin amor pa e pais bisiña. Kor Song for Jesus a akompaña e misa ku un presentashon tremendo. Miembronan di Asosiashon Aruba Dushi Tera a regala tur parokiano un regalito na final di anochi. E selebrashon ta kontinua djabierne awor na Coco Bomba na Zuikertuintje, kuminsando 10or di anochi. Animashon lo ta na enkargo di e banda Dolce.  Entrada ta gratis pues no tin  motibu pa niun hende keda afo!