ORANJESTAD, Aruba – Juni 2017: E aña aki Buleria lo celebra nan di 3 aña di existencia y nan lo celebra esaki dia 8 di Juli proximo. Pa 3 aña e banda local Buleria ta ricibi sponsor di Tropical Bottling, pero Tropical Bottling ta mira nan como partner, asina Representante di Tropical Bottling, Mitch Bermudez a remarca. Tropical Bottling ta sponsor un total di 10 pa 15 evento grandi di Buleria pa aña.

“Nos ta contento cu nan a cumpli 3 aña y nos ta spera cu nos por sigui cu nos partnership den añanan venidero”, asina Mitch Bermudez a expresa. Pa celebra e 3 aña di Buleria, Tropical Bottling lo sponsor un fiesta cu ta tuma luga den Renaissance Convention Center, cu participacion di Buleria, GiGi, Steph, One ft. Dibo D, Phattunez, Cizzle, Nutzbeatz, Dj Vibes, Chri Strick y lo cu un invitado di sorpresa.

Dwight Leoneta ta director musical di e banda Buleria y e ta un di esunnan cu a cuminsa cu e proyecto. E banda ta orguyoso cu nan ta cumpli 3 aña di existencia y di tur loke nan a logra, pero ainda nan ta motiva pa sigui traha pa logra hopi mas.

“Nos ta hopi contento y orguyoso di loke nos a logra den 3 aña trahando duro como famia y semper confia den otro”, Dwight Leoneta a remarca. Buleria lo tin nan evento di Blu3 unda cu nan lo celebra nan di 3 aña di existencia.

E carchinan por haya nan cumpra na Hamaka, Citgo Boulevard y Gallo Rojo y tin e ticketnan di super early bird pa 45 florin despues di esey e prijs lo bira 55 florin y na porta esaki lo ta 65 florin. Pa e seccion di VIP por yama na 7451111.