Dia 12 di novèmber e ta na Kòrsou

Willemstad – Djaweps dia 12 di novèmber Curaçao Lions Club ta organisá un seminario di liderasgo na Sta. Barbara Resort ku ta konta ku presensia di John C. Maxwell.
Djabièrnè dia 9 di òktober e guru di liderasgo aki ta lansa su buki nobo riba merkado ku ta titulá “Intentional Living”. E buki aki ta duna hopi tep riba liderasgo i ta ta splika kon bo por logra basta e intenshon tei. Den bida bo por logra hopi kos dor di simplemente tin e kurashi i traha riba dje. Tuma sierto riesgonan pa logra esei ta nesesario. Durante di e seminario organisá pa Curaçao Lions Club tin oportunidat pa kumpra e buki “Intentional Living”. Pa hasi e eksperiensia ku John Maxwell mas eksitante, ora bo kumpra e buki na e seminario, John lo firma bo buki personalmente durante un seshon spesial di firma. Karchinan ya ta na benta na Landhuis Klein Kwartier durante di ora di ofisina i serka miembronan di Living Leadership Foundation. E grandioso seminario aki ta tuma luga na Sta. Barara Resort di 8 am – 5 pm. Karchinan ta kosta NAf. 625,- i ta inkluí lunch i un rebroadcast ku Patrick Lencioni, Kevin Turner i Valerie Burton. Hasi bo reservashon òf kumpra bo karchi trempan paso nan ta bayendo hopi bon. Por hasi esaki dor di jama 738-5222 of via di website http://johnmaxwell.curacaolions.org Sigui tur informashon di e seminario di liderasgo ku John Maxwell via di Facebookpage www.facebook.com/CLCJohnMaxwell pa asina bo keda bon informá. Korda Like & Share e poster di e seminario ku chèns di gana bo karchi di entrada.