Willemstad, Djaweps 15 i Djabièrnè 16 di sèptèmber lo tin un bringamentu formal pa stul polítiko den La Tentashon och’or di anochi. Presentá pa e di e komediantenan mas gusta aki na Kòrsou.

Temporada krusial ta yegando pa nos pais. E momentu ku lo disidí e gobernantenan nobo pa nos dushi isla Kòrsou. Tur aña di nobo nos komediantenan yu di Kòrsou no ta pèrdè pa gana i nan tambe ta bai elekshon pero den La Tentashon ku dos presentashon.

Un show kaminda lo tin diferente esena, diferente polítiko, parlamentario i mas. Dirigí pa Percey (Boskwiri) Benita i Germain (Mayeta) Jansen, huntu ku nan lo tin Edion (Loloy) Booy, Boy Bus, Marvino de Meza, Norverick ( Lagadishi Lagasdeis) Melfor. Nan lo bai laga bo mira e bèrdat di tur nos polítikonan ku ta den kontienda pa e próksimo elekshon. Susesonan prèt a ku lo laga bo hari bo barika yen.

Bringamentu formal pa stul polítiko, djaweps 15 i djabièrnè 16 di sèptèmber och’or di anochi den La Tentashon.

Karchi ta na balor di Nafl 27,50- optenibel na 24 uur uit de muur, Mensing’s Caminada, Time to Time i 3ora promé na takia di Teatro Luna Blou.  Pa mas informashon por yama Luna Blou na 462-2209.