Djadumingu awor na Veneto Hotel

Willemstad- E Popular kantante Amadeus Melinger Boy Thodé, e kantante malkria i stimá di pueblo di Kòrsou ta preparando un super show pa dia di tata djadumingu awor na Veneto Hotel den V Bar abou djis den Banda di Kasino.  Den e show aki  lo bai tin presentashon di diferente kantante grandi  manera: e bos di oro di Kòrsou Romeo Heije, Melania van der Veen,  den su estilo uniko i diferente pa tatanan, e gran bolerista, Dennis Cecilia, i e dos gran kantante fememinonan Liesje Lispier, Anairia Nivelac i naturalmente nos Boy Thode mes kantando tur su hit nan no solamente pa e tatanan, pero tambe pa e mamanan presente. E show aki ta titulá Atardi di rekuerdo pa Tata I e ta kuminsá for di 6 or di atardi i terminá 9 or di anochi. Pa basta tempu nos no a haña un show ku un elenko di artistanan grandi asina aki huntu I tatanan sigur lo bai keda malkriá djadumingu awor den Veneto V-Bar. Un regalo ideal pa e tatanan ku ta gusta disfrutá di bon espektákulo i ta skohe pa selebrá e dia aki den un ambiente dushi. Entrada pa e show aki ta kosta solamente fl. 35  i karchi ta optenibel na Mensings Caminada, na beeb beeb Rio i tambe na Koko Loko. Tambe tin e sekshon di mesa i karchi na mesa ta kosta fl.50,– Pa reservashon di mesa por yama telefon: 569 0421. E sekshon aki ta hopi limitá, pues yama lihé i reservá bo mes.