Ban selebrá: Durante 15 dia, 3x Fun Miles riba tur kompra!

WILLEMSTAD – E ta un satisfakshon ora ku bo por drenta un botika, i haña den un fregá di wowo tur loke bo mester. E luna aki Fun Miles ta yama bon bini na botikanan BENU; esaki ta un notisia hopi fun! Botikanan BENU ta konosí pa nan variashon grandi; semper nan tin e remedi ku bo mester den stòk. E servisio ta rápido, profeshonal i personalisá. BENU tin 3 botika na Kòrsou; na Dominguito, Otrobanda i Palu Blanku. Miembronan di Fun Miles awor por spar i troka Fun Miles, òf paga den kombinashon ku Miles. Komo introdukshon miembronan di Fun Miles lo disfrutá di un promoshon di 15 dia, i ta risibí 3x Fun Miles!

BENU ta parti di Visser Pharma Group. Visser Pharma Group tin mas ku 50 aña aktivo na Kòrsou, Aruba i Sint Maarten. E grupo tin 3 kompania farmaceutiko di importashon i distribushon, i 12 botika repartí entre Kòrsou, Aruba i Sint Maarten. BENU ta un di e gruponan di botika mas grandi na Europa. E kolaborashon entre BENU i Visser Pharma Group ta hasi posibel ku pashèntnan ta risibí e mihó servisio i konosementu. Pa mas informashon por bishitá benucaribbean.com

3x Fun Miles na BENU!

Ta selebrá introdukshon di BENU ku 15 dia di promoshon,for di 5 pa 19 di yüli 2021, i na kada kompra e kliente ta risibí 3x Fun Miles. E oferta aki ta bálido na tur 3 botika BENU na Kòrsou; na Dominguito, Caracasbaaiweg 164, na Otrobanda, Roodeweg z/n na Colon Shopping Center i na Palu Blanku na Frater Radulphusweg. Tur botika BENU ta habrí di djaluna pa djasabra for di 8’or di mainta pa 7’or di anochi i ta será riba djadumingu. Pa mas informashon por bishitá facebook.com/benupharmacycuracao òf @benu_curacao riba instagram.