Un exito rotundo

Dos dia di aktividat pa rekauda fondo pa sigui desaroya nos zoologiko nashonal a resulta tremendo. Djasabra dia 28 tabatin e prome edishon di Festival di Pampuna, kaminda grandi i chiki por a diberti i krea diseñonan bunita riba pampuna. Tambe un surtido amplio di tur tipo di kuminda i pasa boka prepara ku pampuna na Vreugdenhil Supermarket.

Djadumingu dia 29 tabatin BOO at the Zoo ku a kumisa 3or di atardi ku nos Entomologo Gisette Seferina ku alabes ta parlamentario, nos ke gradisi  sra. Gisette pa  a tuma su tempu liber pa kopera ku nos Zoologiko su aktividat, tur bishitante ku a bin por a risibi informashon balioso di insekto i otro kruaturanan ku ta biba na korsou. Tambe dr. Doest  i inspektor di naturalesa sr. Clifford de Lannoy  di GMN tabata tei pa duna informashon di raton di anochi.  Un atardi karga ku hopi informashon i alabes sumamente agradabel pa hinter famia,

Un publiko grandi a kopera ku e evento i a duna estimulo pa 2018 bira aun mas grandi. Curaçao Zoo su team ta sigui traha duru pa eduka nos pueblo i sigur nos muchanan riba e importansia di konserva nos naturalesa, i  bestia. Nos ke grandi e team di Turkutin.com i tambe Vreugdenhil i tambe tur boluntario di Friends of the Curaçao Zoo pa nan sostén inkondishonal na Curaçao Zoo. 

Keda pendiente pa e siguiente aktividat na Curaçao Zoo