Showcase di comedy ku Collin Edson for di Amsterdam,Benjamin Martis, Lennon Aniceta i Christopher Barrow Djamars 13 mei.  8.00 PM

Kon bon biní bo ta ora bo tin binti aña bibá na Hulanda? Collin Edson a sali Kòrsou, bai studia na Hulanda i aktualmente e ta traha den besindario di Amsterdam. Den su tempu liber semper el a aktua, kanta, konta storia i hasi comedy. For di aña 2012 e ta riba esenario na un manera profeshonal.  Anto awor e ke bin laga Kòrsou hari ku su comedy show!
Anto serka Collin Edson no ta hari so. E ta pone bo pensa tambe.

Den e showcase aki tambe por atmirá tres talento di Kòrsou:
– Benjamin Martis ta aktua i kanta. Por a atmir’é den e obra E Balada di Pluisje, despues ku e la gana e kompetensha Luna Yen di La Tentashon. Riba e anochi aki e ku su kitara lo toka bo kurason. Na un manera sorpresivo
– Lennon Aniceta ta un artista multifasétiko. Podisé den pasado bo a mira balia breakdance òf deklamá poesia. Riba e anochi aki e ke pone bo hari. Na moda di papia esaki ta su debut komo comedian.
– E hóben Christopher Barrow tin e enkargo di yama tur hende ‘Bonbiní’ komo maestro di seremonia.

Sitio:                Oula di Biblioteka Nashonal Kòrsou
Direkshon:       Abraham M. Chumaceiro Bulevar 17
Entrada:          NA Fl. 12,50
Entradanan ta pa rekoudá fondo pa Fundashon Alma i Fundashon Ritmo di Kurason.