Entrante awe, AMAK  ta kuminsá emití Boletin Informativo, relashoná ku  preparashon pa Festival di Tumba 2015. Di e forma aki nos lo informá komunidat di tur desaroyo nobo. Direktiva di AMAK ke urgí lider nan di banda pa pasa entrega nan karnèt di músikonan pa asina ei nan por keda kla mas lihé. Por manda e-mail tambe na festivalditumbadikorsou@gmail.com. Direktiva di AMAK a risibí petishon di Muziekschool Maria Cornelia pa por kambia su órden di presentashon ku e agrupashon Gio Fuertisimo. Direktiva a papia ku GIO i nan a bai di akuerdo pa djaluna aktua komo último grupo musikal. Pa djaluna i djamars, promé i dos dia preliminar di Festival di Tumba 2015,  direktiva a buska un grupo musikal  pa presentá show time komo promé grupo. Pa djarason si no tin showntime. Tur agrupashon  musikal por toka un warm up di 5 minüt durante e anochinan preliminar. Djaweps próksimo te ku 8 or di anochi por entrega letra di e tumbanan partisipante. Esaki ta hopi importante pa direktiva por kompilá e bukinan di letra pa hurado por hasi nan trabou. Por manda e letranan tambe na festivalditumbadikorsou@gmail.com Karchinan ta optenibel na 24 uur uit de muur,  na GL Jewery, Boekhandel Samson na  Colon,  Chobolobo i Janoorduynweg i tambe CFC na rason di 80 florin general i 335 Redcarpet.