WILLEMSTAD:- Dia 31 di desèmber 2016 e campaña di Maduro & Curiel Bank (MCB) i Fun Miles Bo Tempu ta Oro a finalisá. Un kampaña den kual a siña un i tur kon pa spar tempu ku servisionan di MCB manera: rekargá bo telefòn via MCB Online Banking, MCB Mobile App, Pagomatiko, SMS 1111 òf kualke MCB Bankomatiko. Otro manera tambe pa spar tempu ta pa chèk estado di bo kuenta online.

Kada bes ku un kliente a hasi uzo di e servisionan ariba menshoná, e la partisipá den e tombolá digital pa gana un di e dos premionan di 100.000 Fun Miles. E dos felís ganadonan a resultá Sra. Qiona Alberto i Sr. Hugo Lew Jen Tai.

MCB i Fun Miles ta gradisí tur esnan ku a sigui e kampaña. Masha pabien na e ganadonan!

Riba foto momentu kaminda representantenan di MCB i Fun Miles ta hasi entrega di premio na e ganadonan Qiona Alberto i Hugo Lew Jen Tai.