Bo por goza di bo cumindanan preferi sin aumenta di peso. Contrario na e percepcion general, bo por come saludabel den restaurant tambe. Ora bo sa cu bo ta bai come na restaurant, ta bon pa durante dia tene cuenta cu esaki tambe y come di tal forma cu e lo no stroba bo cantidad di caloria cu bo ta consumi diariamente. Si bo ta bai dinner, come liviano den dia y trata pa no salta bo cumindanan ya asina anochi bo no ta hambra y kier come dimas. Y no tene miedo pa puntra e chef pa prepara e cuminda di e forma cu abo ta desea.

Tipnan con pa order cuminda:

• Pidi cuminda den porcionnan normal y no upsize ni supersize ni pidi porcionnan jumbo.
• Pidi un appetizer como e cuminda principal of parti un cuminda cu un friend y pidi un side salad aserca.
• Pidi di antemano pa nan sirbibo mitar di e cuminda y laga nan warda e otro mitar pa bo hiba cas.
• Pidi cada cos cu bo kier separa y no order e combo completo.
• Pidi pa nan grill bo carni y steam bo berduranan y laga nan trece e saus apart.
• Purba di escohe susbtitutonan saludabel, p.e. baked potato enbes di french fries.
• Limita e consumo di alcohol paso e tin hopi caloria y poco nutriente y despues di un paar di glas esaki por disminui bo will power y asina bo ta bai come mas.

Bon escohencianan riba e menu:

• Come soppi bouillon manera wonton soup, hot and sour soup, consommé, tortilla soup of minestrone
• Come saladanan cu lechuga of spinazie y hopi berdura. Baha man un poco cu e bacon bits, croutons, keeshi y saladanan a base di mayonaisse manera salada di macaroni y salada di tuna
• Come berduranan curu, steamed of grilled y nada di zeta
• Pidi carni cu ta grilled, brioled, roasted of baked y seafood cu ta broiled, baked, steamed, blackened, or poached
• Un porcion di steak rasonabel ta entre 3 to 6 oz.
• Sandwich traha cu pan pita, whole wheat, multigrain y cu beleg low fat, mustard, relish, ketchup y low fat mayonaise. Drecha e smaak lechuga, tomati, jalapeños y oliva.
• Fruta fresco, sorbet y angel food cake ta bon escohencianan como dessert.

Calorianan scondi:

Busca e sigiente palabranan pa asina reconoce platonan cu hopi caloria: pan-fried, sautéed, battered, breaded, au gratin, cheesy, creamy, buttered, deep-fried, béarnaise, of crispy – crispy manera den e “crispy,” deep-fried tortilla bowl den cual e salada ta bin.

Fast food:

Manera a palabra mes ta bisa: liher y fasil y hopi biaha tambe e forma mas barata di come pafo di cas. Un hamburger de bes en cuando cu su french fries no ta bai daña bo dieta, pero si bo ta come fast food regularmente, lo bo ripara esaki den bo peso. Trata na scohe e cuminda di mas saludabel riba e menu y skip e parti di upsize, supersize of pidi tur cos mas grandi. Double meat y extra ‘special sauces’, tur tin mas vet y mas caloria. Ora di busca bo fast food preferi, pensa formanan con pa bo controla bo consumo di caloria y vet y toch disfruta di bo fast food.

Sigientemente nos lo duna bo un lista cu tur bo fast food preferi y un averahe di cuanto caloria nan ta contene. Considera tur bo opcionnan cautelosamente ya bo por haci e mihor escohencia posibel na momento di come fast food.

Pa mas informacion bishita www.koninginwilhelminafonds.com