Riba lugá di parker na Rooi Catootje e èkspo bankario di mas grandi

Willemstad –  Djasabra dia 25 di òktober di 4^or di atardi pa 9 ^or di anochi Maduro & Curiel’s Bank ta presentá e èkspo bankario di mas grandi di Kòrsou. Outo, Kas i Mas ta bai tuma lugá na e lugá di parker di MCB Rooi Catootje i solamente pa e dia aki Bo Banko Amigu ta ofresé hopi insentivo di lokura. Un i tur por bishitá e stèntnan di outo, desaroyadó di kas (projectontwikkelaar) i makelar pero tambe boto, skuter, artíkulo pa kas i muchu mas. Bo Banko Amigu ta bai transformá e lugá di parker di Rooi Catootje den e èkspo bankario mas grandi di Kòrsou. Entrada ta GRÁTIS i bo por kana rònt wak loke bo mester i haña e mihó konseho di ekspertonan. Algun di e insentivonan di lokura ku bo por risibí ku aprobashon di bo fiansa i/òf hipotek ta dòbel Fun Miles, gastunan di notario of taksashon kubrí, seguro di BSure pa 1 aña kubrí, interes rebahá, Cash Back, posibilidat pa término di pago di outo te 8 aña i hopi mas. Departamento di Bankcard Services i di seguro MCIS ku e produkto BSure, tambe lo ta presente pa duna un i tur un servisio kompleto bou di un dak durante Outo, Kas i Mas. Ta bai tin aktividat pa mucha i Fun Miles tambe lo ta presente. Lo bai tin ‘tasting’ di premium icecream i djus di Lovers. Chit Chat Café na Mensing’s Caminada tambe lo ta habrí pa bo por disfrutá di algu di kome i bebe durante e èkspo. Por parker outo na lugá di parker di Guardian Group i Dammers na Rooi Catootje i un trolley òf tuk-tuk lo hiba bo den tur trankilidat na MCB. ‘Like’ e página di Facebook di Outo Kas i Mas i bo tin chèns di gana diferente premio. Pa kaba di pone e chèri riba e bolo, riba e página di Facebook tin un kupòn ku bo por por download i bin kun’é na e èkspo Outo, Kas i Mas. Yenando e kupòn aki bo tin chèns di gana bo fiansa personal durante di 1 aña na 0% di interes. E kupòn aki ta válido solamente pa Outo, Kas i Mas. En konekshon ku tur e preparashonnan pa e evento Outo, Kas i Mas, djasabra dia 25 di òktober e brènch di Rooi Catootje lo ta será parti mainta pero pa akomodá e kliente ku ta kustumbrá di hasi nan transakshonnan bankario riba djasabra, Bo Banko Amigu a habri solamente pa e okashon aki su filial na Saliña di 8 ^or di mainta pa 12 ^or di mèrdia. E brènch di Sta. Maria ta habrí manera kustumber. E siguiente siman e brènch di Rooi Catootje  lo habrí manera kustumber. Pa fasilitá e proseso di aplikashon pa kada persona, ta importante pa bin ku tur e dokumentonan nesesario ku ta; un identifikashon válido, dos ùltimo slep di salario, 2 último statement di banko i e karta di trabou. E partisipantenan na Outo Kas i Mas ta: AutoCity, AZ Autobedrijf Zwanikken, Caribbean Motors, Prestige Ford, Elite Mercedes-Benz, Crown Automotives, iCars Automotives, Prowin Motors, British Motors, Quality Motors, Star Motors, Garage Cordia, New Winds Realty, Joubert Realty, Domicilie Real Estate, Halabi Real Estate, Residencias Jalousie, Janssen de Jong, Landmark Real Estate, Dynaf, Omni, Kooyman, Polytronica, Watts Up Energy, Aqua Air, Jonka Tuincentrum, La Curaçao, Caribbean Nautical, Island’s Best Windows and Doors, A&F Motors, CBA Scooters, Fun Miles i Lovers. Maduro & Curiel’s Bank ta invitá Kòrsou kompletu pa pasa na e Dia di lokura di Bo Banko Amigu djasabra awor dia 25 di òktober di 4 ^or di atardi pa 9 ^or di anochi, na lugá di parker di Rooi Catootje pa bo tambe bishitá: Outo, Kas i Mas.