Willemstad – Maduro & Cuiel’s Bank e aña aki tambe ta duna Fundashon Kultural Seú Kòrsou un kontribushon importante pa kontinuá ku e trabounan di organisashon di tur e aktividatnan di Seú. Ku e kontribushon aki MCB ta demostrá ku e ta é Banko Amigu di nos kultura tambe. Seú ta fiesta di kosecha ku alabes ta un di e aktividatnan kultural hopi grandi di Kòrsou. Ora nos tende Seú no ta solamente e Marcha di Seú grandi dia 21 di aprel, pero tur e aktividat kultural rondó di e fiesta di Seú manera entre otro: Maramentu di lensu, Kantadó Mayó, Reina Seú i mas. Un kantidat grandi di hóben ta partisipá na Seú i demostrá di un manera positivo nan talento, kreatividat i abilidatnan di liderazgo. Por ehèmpel maramentu di lensu ta un arte típiko di nos kultura. MCB ta kontentu ku Fundashon Seú Kòrsou ta hasi trabounan duru pa tene esaki bibu ku e kompetensia.  Ta ku alegria gerensia di Maduro & Curiel’s Bank a tuma nota di e kantidat grandi di hóben ku sea a bishitá òf partisipá den e kompetensia di Kantadó Mayó aña pasá. Seú tin un balor sosial kultural hopi grandi i ta un eksploshon di kreatividat di nos mes hendenan. Banda di esei kontribushon na nos kultura ta un di e pilarnan importante di MCB su responsabilidat sosial i e kompromiso ku Bo Banko Amigu tin ku nos pais. Tur esaki a hasi e desishon di Maduro & Curiel’s Bank pa kontinuá e aña aki tambe ku e patrosinio di nos fiesta kultural Seú. Maduro & Cuiel’s Bank pa kasi 100 aña ta forma parti i ta kontribuí na nos komunidat. Bo Banko Amigu no solamente ta un lema di Maduro & Curiel’s Bank, sinó ta un filosofia ku banko ta praktiká den tur sentido di palabra. E aktividatnan di Seú ta reparti di e siguiente manera: Djadumingu, 23 di mart aktividat di Mara Lensu; di 25 pa 29 di mart Kantadó Mayó ; djasabra dia 5 di april elekshon Reina Seú ; djadumingu dia 13 di april elekshon Wela Seú ; djaluna 21 di april Marcha Grandi Seú ; djadumingu 27 di april Marcha di Simadán ;  djadumingu 4 di mei Marcha Seú Banda Bou ; djasabra 10 di mei entrega di premio. Maduro & Curiel’s Bank, ta invitá komunidat kompleto pa asistí na e diferente aktividatnan di Seú. Ta nos tur huntu ta engrandesé nos kultura.