Willemstad- Entrante awe, Blue Bay Curacao Golf & Beach Resort ta presenta su Hefe Ofiisial di Sonrisa (Chief Smile Officer, CSO, Churandy Martina.
Chief Smile Officer
Komo ehekutivo ofisial di Sonrisa, Martina ta bai komparti su karakter positivo i prestashon deportivo ku e gerensha, personal i partnernan di Blue Bay, Ademas di esei, elo brasa e diferente eventonan di deporte ku Blue Bay ta organisa. E intenshon ta pa konhuntamente ku e gerensha, hiba e totalidat di Blue Bay na un siguiente nivel. Durante di algun siman di aña, Churandy ta na Korsou i durante di e periodonan aki, e lo bai traha estrechamente ku Sepp Koster, CEO), Walter Hofstede (CDO) i Rogier van der Meer (CCO).
Deporte
Rogier van der Meer, ‘Chief Commerce Officer’ di Blue Bay: “Nos ta masha kontentu i orguyoso di por traha huntu ku Churandy durante di e proksimo añanan.Nos ekipo gerenshal ta konsisti di algun eks deportista di nivel top. E kombinashon entre opera un kompania i deporte na e nivel maksimo ta algu ku nos ta kere masha den dje. Nos ke ban tradusi esaki na nos hendenan i e partnernan ku nos tin. E determinashon, talento i kreatividat di Churandy ta kuadra perfektamente den su funshon nobo di ta CSO, Chief Smiling Officer”.
Evento
Churandy Martina, nobo nobo den su posihon ehekutivo di Sonrisa komo Chief Smile Officer’: “Ami tambe ta realmente entusiasma ku e kolaborashon aki ku ta priminti masha hopi. Mi koleganan nobo na Blue Bay tin un mente ku deporte hopi haltu loke ta kuadra masha bon ku e manera ku ami ta traha i biba. Huntu ku nan, mi ta bai perkura ku tur hende ku ta emplea na Blue Bay bai den bida ku un mente haltu di deporte. Ademas di esei, ta bai eksplora e posibilidat di organisa evenementonan nobo den e area di mi deporte. Lo ta masha great si fuera di e ya konosido Curacao Baseball Week, ku nos lo por yega tambe na un Curacao Athletics Week na nos dushi Korsou”.
Videoclip
E yegada di e CSO nobo di Blue Bay a keda presenta den forma masha kreativo, pa medio di un videoclip di Dolph van Stapele (FishEye Media Productions). Dolph ya for di 2008 a produsi un dokumental riba Churandy Martina, loke di mes a hasi e enkargo nobo aki algu masha speshal. Por wak i apresia e videoclip aki riba e pagina di facebook di Blue Bay: https://www.facebook.com/bluebaycuracao/