Djabièrnè 27 di novèmber próksimo deskuentonan entre 10 i 70%

WILLEMSTAD – E dia tradishonal di ofertanan spesial i preisnan kumbiniente ‘Black Friday’ ta djabièrnè awó dia 27 di novèmber! Establesimentunan den Renaissance Mall & Rif Fort tambe tin ofertanan fantástiko! Bishitá Renaissance Mall & Rif Fort entre 10’or di mainta i 9’or di anochi i probechá di deskuentonan for di 10 te ku 70%. Un okashon ideal pa hasi bo kompra pa di dianan di fiesta i buska e regalo ideal pa bo sernan kerí. Kòrda ku Renaissance Mall & Rif Fort su establesimentunan ta di markanan renombrá. Durante e ‘Black Friday Sale’ Dj Maarten Schakel lo sòru pa ‘live entertainment’ durante 11 ora largu- nònstòp; esaki sigur lo krea un ambiente ameno pa hasi kompra. Ademas di esaki, Renaissance Mall i Rif Fort ta kòrda su klientenan riba su kampaña di fin di aña ‘Shop & Grab’.

Durante ‘Shop & Grab’ tur ku hasi un kompra di 25 florin òf mas na Renaissance Mall i Rif Fort lo risibí un kupòn pa partisipá den e kampaña. Na momentu ku un persona yena e kupòn i deposit’é den e buzon pa gana un chèns di drenta e ‘cash cube’ (un kúbiko di glas ku ta wòrdu yená ku aire i plaka kèsh). E idea ta pa e hende gara mas tantu sèn posibel miéntras e airu fuerte ta supla e plaka den e kúbiko. Esaki mester tuma lugá den e kantidat di tempu ku e persona a gana, por ehèmpel 10 sekònde, 20 sekònde, 25 sekònde òf 30 sekònde. E kúbiko di plaka kèsh lo kontené un total di Naf. 30.000 kèsh i lo saka 5 ganador pa drenta e ‘cash cube’. Mas bo kumpra, mas kupòn bo ta risibí i mas chèns pa drenta e ‘cash cube’. E kampaña lo ta vigente te dia 18 di desèmber, final lo ta dia 19 di desèmber i tur ganador lo drenta e ‘cash cube’. Renaissance Mall & Rif Fort ta invitá pueblo di Kòrsou pa probechá di su ‘Black Friday Sale’ dia 27 di novèmber próksimo!